Коронавирусын халдвар ойрын 7-10 хоногийн хугацаанд дээд цэгтээ хүрч магадгүй

29/01/2020 314

Шинэ төрлийн коронавирусний халдварын тархалт ойрын 7-10 хоногийн хугацаанд дээд цэгтээ хүрч магадгүй гэж Хятадын амьсгалын замын нэрт эмгэг судлаач Жун Наньшань мягмар гарагт “Xinhua” агентлагт ярилцлага өгөх үеэрээ хэлжээ.

“Тархалт хэзээ дээд цэгтээ хүрэхийг тооцоолоход маш хүндрэлтэй байгаа боловч би үүнийг 7-10 хоногийн дотор дээд цэгтээ хүрч, цаашид их хэмжээгээр нэмэгдэхгүй хэмээн таамаглаж байна” гэж тэрбээр мэдээлсэн байна.

Уушгины хатгалгаа үүсгэдэг шинэ төрлийн коронавирусний тархалтыг хянах, урьдчилан сэргийлэх зорилгоор байгуулсан Хятадын мэргэжилтнүүдийн үндэсний багийн ахлагч Жун Наньшань нь Хятадын Инженерчлэлийн академийн эрдэмтэн юм байна.

“Тархалтыг бууруулах хоёр чухал арга хэмжээ бол эрт илрүүлэх, эрт тусгаарлах юм. Эдгээр нь хамгийн энгийн хийгээд хамгийн үр дүнтэй арга барилд тооцогдож байна” гэж тэрбээр хэлжээ. Мөн өндөр халуурах нь шинэ коронавирусний халдварын нийтлэг шинж тэмдэг хэвээр байна гэж нэмж хэлсэн байна.

“Тусгаарлаж, ажиглахад тохиромжтой хугацаа нь 10-14 хоног бөгөөд далд үе дуусахад өвдсөн хүмүүсийг нэн даруй эмчлэх шаардлагатай бол эрүүл хүмүүсийн хувьд зүгээр гэсэн үг юм. Хаврын баярын амралт дуусах үед үүсэх шилжилт хөдөлгөөний улмаас халдварын тархалт нэмэгдэхгүй. Гэсэн хэдий ч хянаж, шалгах арга хэмжээнүүдийг үргэлжлүүлэх хэрэгтэй” гэж Жун Наньшань хэлжээ. Мөн өвчтөнүүдийн амь насыг аврахын тулд эмнэлгүүдэд халдварт өвчний мэргэжилтнүүдээс гадна хүнд өвчнийг эмчлэх мэргэжилтнүүд хэрэгтэй гэж тэрбээр ярьжээ.

Холбоотой мэдээ

Монгол Улсын Ерөнхийлөгч У.Хүрэлсүх: Иргэн бүр эх оронч худалдан авагч байхыг  уриаллаа | Даам.мн

Монгол Улсын Ерөнхийлөгч У.Хүрэлсүх “Хүнсний хангамж, аюулгүй байдал” үндэсний хөдөлгөөний хүрээнд ү

30/06/2022

Төрийн дуулал, далбаа, сүлдэд алдаа байгаа хэмээн үзэж байна |Даам.мн

“Эх нутаг, хүн зон олноо хамгаалъя” төрийн бус байгууллагаас өнөөдөр хэвлэлийн хурал хийж, төрийн ду

30/06/2022

СЭРЭМЖЛҮҮЛЭГ: Голууд үерийн түвшинг 25 сантиметрээр даваад байна |Даам.мн

Цаг уурын байгууллагын ирүүлсэн мэдээллээр өнөөдөр буюу 30-ны өдрийн байдлаар Алтай нуруунаас эхтэй

30/06/2022