Монгол Улсын Засгийн газрын хэвлэл мэдээлэл, олон нийттэй харилцах албаны дарга Ц.Ганзориг дараах мэдээллийг өгч байна.
ЭМЯ-наас өгсөн мэдээллээр 310 мянга гаруй хүн коронавирусийн вакцинд хамрагдаад байна.
Ийнхүү вакцины эхний тунг хийлгэсэн 532 хүн халдвар авсан нь тогтоогджээ.
Эхний тунг хийлгээд 14 хоногийн дараа 40-50 хувийн дархлаа тогтож буй. Хоёр дахь тунг хийлгээд мөн 14 хоноод бүрэн дархлаатай болох гэнэ.
Вакцины хоёр тунг тариулсан ч маскаа тогтмол зүүж, зайгаа барьж, халдвар хамгааллаа барихыг мэргэжлийн хүмүүс зөвлөсөөр байна.
Халдвар авсан иргэдийн 30 гаруй хувь нь ажлын газраасаа авч буй тул сэрэмжтэй байхыг хэрэгтэй. Хамт олноороо тамхилахгүй байх, маскаа зүүхийг анхааруулж байна.
4-сарын 3-наас вакциныг 2-3 дахин эрчимжүүлж, ААН-үүдийг 15 хоног хязгаарлаж буй нь вакцинжуулалтыг үр дүнд хүргэх нэг үндэслэл юм.
Улаанбаатар хотын насанд хүрсэн 1 сая иргэнээ 4-р сард вакцины эхний тунг хийж, 5-р сараас орон нутагт, мөн нийслэлийн иргэдийг 2 дахь тунг хийж дуустал, цаашид сэрэмжээ алдахгүй байхыг уриалж байна. Та бид ковид-19 халдвартай зэрэгцэн амьдарч буйг нэг хором ч бүү март.
