Хятадтай холбоотойгоо нуусан Харвардын их сургуулийн докторыг баривчилжээ

05/02/2020 104

Америкийн Бостон хотын их сургууль ба эмнэлгүүдтэй холбоотой ажиллаж байсан гурван хүнийг Хятадын Засгийн газартай холбоотой талаар худал мэдээлэл өгсөн, хятадын Засгийн газарт туслахыг завдсан хэргээр ял тулган хэрэг үүсгэсэн тухай boston.cbslocal.com сайт мэдээлж байна.

Тэдний нэг болох Харвардын их сургуулийн Хими ба химийн биологийн танхимын эрхлэгч Чарльз Либерийг Ухань хотын Технологийн хүрээлэнтэй гэрээтэй ажиллаж байснаа нуусан гэж буруутгажээ. Зүгээр ч нэг нуугаагүй Америкийн Батлан хамгаалах яам, Үндэсний эрүүл мэндийн хүрээлэнтэй зэрэгтэй хамтран ажиллах гэрээ байгуулах үеэр Хятадын Засгийн газартай холбоотой гэдгээ нуусан гэж буруутгасан байна.

Массачусетс мужийн прокурор Эндрю Леллинг энэ хэргийн талаар ярихдаа “Хятадын тал Либерийн өөрийн байгууллагуудад ажиллуулах, Хятадад ашигтай судалгаа хийлгэхэд хэдэн зуун мянган доллар төлсөн бололтой” гэжээ.

Ял тулгаад байгаа Либерийг Харвардын их сургууль дээрх ажлын өрөөнөөс нь баривчилсан ч гадуур байцаалт авахаар суллажээ.

Либерээс гадна Бостоны их сургуульд судлаачаар ажиллаж байсан Хятадын иргэн Янцин Е гэгчтэй холбоотой бас нэг хэрэг үүсгэн шалгаж байгаа аж. Түүнийг Америкийн виз хүсэж мэдүүлэг бөглөхдөө Хятадын зэвсэгт хүчний дэслэгч гэдгээ нуун дарагдуулсан гэж буруутгаж байна. Гэвч Янцин нь одоо Хятадад байгаа тул баривчлах боломжгүй.

Гурав дах хүн нь Харвардын их сургуулийн тэтгэлгээр “Бэт Исраэл диаконесс эмнэлгийн төвд” судлаачаар ажиллаж байсан Заосон Жэн гэгч хятад иргэн. Энэ хүнийг өнгөрсөн оны арванхоёрдугаар сард Логаны нисэх буудалд судалгаанд ашиглаж байсан биологийн материалаа нууцаар хил давуулах гэж байхад нь саатуулан баривчилжээ.

Эдгээр хэрэгтэй холбоотойгоор Массачусетсын прокурор Леллинг “Бостон хотыг энэ мэтээр ашиглах бай болгох амархан. Тус хотын их сургуулиуд, шинжлэх ухаан-судалгааны хүрээлэнгүүд, технологийн компаниуд ийм аюул заналхийлэлд өртөх эрсдэл их. Энэ бол тохиолдол биш, давхцал биш. Харин Америкийн технологи ба ноу хауг сорж авах Хятадын кампанит ажлын нэг жижиг жишээ юм” гэсэн байна.

Холбоотой мэдээ

Дэлхийн брендүүд “Мон Ирээдүй” ХХК-ийн боловсруулсан арьсыг сонгож байна | DAAM.MN

       Монгол улсын стратегийн гол түүхий эд нь уул уурхай, ашигт малтмал бус мал аж ахуй байх учи

19/07/2021

Б.Баатар: Нэгэн авьяаслаг найруулагч намайг Монгол банхар шиг гэсэн. Тиймээс ганц хоёр боргое доо | DAAM.MN

Хэро энертайнментийн  захирал Б.Баатар  дараах мэдэгдлийг гаргажээ. Тэрбээр: Баяр наадмын өдө

17/07/2021

Хурдан мориноос унасан хүүг уяач нь эрэмдэг байснаас “унтуулчих” гэж аавд нь хэлжээ | DAAM.MN

Монголчууд Үндэсний их баяр наадамаа дэлхийд сурталчлах дуртай. Мөн үүний зэрэгцээ хурдан морь унаач

13/07/2021