Японд коронавирусийн улмаас нас барсан анхны тохиолдол бүртгэгдлээ

14/02/2020 589

Японд шинэ төрлийн коронавирусийн халдварын улмаас Канагава мужийн оршин суугч 80 гаруй настай эмэгтэй нас барсан талаар тус улсын Эрүүл мэндийн яам мэдээлжээ. Японд коронавирусний халдварын улмаас нас барсан анхны тохиолдол бүртгэгдэж буй нь энэ юм.

Эрүүл мэндийн сайд Кацүнобү Катогийн мэдээлснээр, уг эмэгтэйд өнгөрсөн нэгдүгээр сарын 22-ноос шинж тэмдгүүд илэрч эхэлсэн бөгөөд энэ сарын 1-нд эмнэлэгт хэвтэж, пүрэв гарагт нас баржээ. Түүнийг нас барсны дараа коронавирусээр халдварласан байсныг тогтоосон бөгөөд тэрбээр гадаадын орон руу зорчоогүй байжээ.

Нас барсан эмэгтэйн хүү нь таксины жолооч бөгөөд түүнээс мөн коронавирусний халдвар илэрсэн байна. Уг эрэгтэй Хятадын Хубэй, Жэжян зэрэг мужид очиж байгаагүй боловч хоёр долоо хоногийн өмнөөс шинж тэмдгүүд илэрч эхэлжээ. Мөн тэрбээр тус хугацаанд гадаадын жуулчин тээвэрлээгүй гэж мэдээлсэн байна.

Мөн Японы баруун нутгийн эмнэлэгт ажилладаг эмч, Токио хотод амьдардаггүй эрэгтэйгээс коронавирусийн халдвар илэрсэн бөгөөд Эрүүл мэндийн яамны мэргэжилтнүүд тэднийг уг вирусээр хэрхэн халдварласныг тогтоохоор ажиллаж байгаа аж.

Холбоотой мэдээ

Арилжааны банкууд цэцэрлэгийн барилга барихад хөнгөлөлттэй зээл олгох боломжийг судална | Даам.мн

Боловсролын салбарын цахим шилжилт, төсөв, санхүүгийн шинэчлэлийн хүрээнд Боловсрол, шинжлэх уха

01/07/2022

Хү (THE HU) хамтлаг Ардтай хамтран тоглолт зохион байгуулна | Даам.мн

Хү (The Hu) хамтлаг нь 2019 онд гаргасан Гэрэг цомгоороо 2 долоо хоногийн дотор биллбоардын World Al

01/07/2022

“Монгол дархан-2022” үзэсгэлэнд 100 гаруй уран дархны 150 гаруй бүтээлийг толилуулж байна | Даам.мн

Ерөнхийлөгчийн Тамгын газар, монгол уран дархны “Түмэн эрдэнэс” нэгдсэн холбоо хамтран “Монгол дарха

01/07/2022