БНХАУ-д байгаа 400 орчим монгол иргэдийг нэгдсэн журмаар авчирна

14/02/2020 282

Эрүүл мэндийн яамнаас ковид-19 вирусын тухай ээлжит мэдээллийг хийлээ. ДЭМБ-ын сүүлийн үеийн статистикийн мэдээллээр Хубэй мужид 24 цагийн хугацаанд ковид 19 вирусийн халдвараар өвчилсөн шинэ тохиолдол 3977, нас баралт 127, эдгэрэлт 1194-өөр тус тус нэмэгдсэн байна. Ингэснээр зөвхөн эх газрын Хятадад халдвартай хүний тоо 64.627 болсон.

Түүнчлэн БНХАУ-д 400 орчим Монгол иргэн байгааг зохион байгуулалттайгаар татаж эхлэнэ. Голомтоос ирсэн иргэдийг ирсэн даруй тусгаарлаж, 14 хоног орчим хөл хорионд байлгаж хянах аж.

ГХЯ-ны Консулын газрын дарга Л.Мөнхтүшиг: Хятад улсад байгаа Монгол Улсын иргэдийг эх орондоо авчрах үүргийг ГХЯ-нд өгсөн. Өнөөдрийн бүртгэлээр 400 орчим монгол иргэн урд хөршид байна. Энэ хүмүүс өөрсдөө хүсэлт гаргавал нэгдсэн журмаар, зохион байгуулалттайгаар авчирна. Эрээн, Хөххотод байгаа 50 орчим иргэний авчрахаар ажиллаж байна.

БНХАУ-ын Ухань хотоос ирсэн 31 оюутнаас хоёр удаагийн лабораторийн шинжилгээг авахад хариу нь сөрөг гарсан. Тэдгээр оюутны 14 хоногийн хорио цээрийн хугацаа дуусч байгаа тул маргааш /2020.02.15/-д ар гэрт нь буцаах аж.

Мөн хил хааж, өндөржүүлсэн бэлэн байдалд оруулсантай холбоотойгоор хүнсний өргөн хэрэглээний барааны хомсдол үүсэхгүй болохыг албаныхан хэллээ. Харин тахиа, гахай, өндөг экпортлохыг хориглосон.

Холбоотой мэдээ

 Сэлэнгэ аймагт 4.0 магнитудын хүчтэй газар хөдөлжээ | DAAM.MN

 Сэлэнгэ аймгийн Ерөө сумын Буургачин багийн “Бөхлөө” гэдэг газар /аймгийн төвөөс зүүн урд зүгт 159

20/05/2022

М.Оюунчимэг: Банкны шалгуур өндөр байгаа тул иргэд ББСБ-аас хугацаа богино ч хүү өндөртэй зээл авч байна | DAAM.MN

УИХ-ын чуулганы өчигдрийн нэгдсэн хуралдаанаар УИХ-ын гишүүн М.Оюунчимэг нарын дөрвөн

20/05/2022

Ерөнхий сайд Л.Оюун-Эрдэнэ АНУ-ын Элчин сайдыг хүлээн авч уулзлаа | DAAM.MN

Монгол Улсын Ерөнхий сайд Л.Оюун-Эрдэнэ АНУ-аас Монгол Улсад суугаа Онц бөгөөд Бүрэн эрхт Элчин сайд

20/05/2022