Ч.Хүрэлбаатар: Зах, худалдааны төв тэргүүтэй түрээсийн үйл ажиллагаа явуулдаг ААН-үүдийг татвараас чөлөөлөх зохицуулалт хийнэ|ДААМ.МН

28/02/2020 740

Өнөөдөр /2020.02.28/ Сангийн сайд Ч.Хүрэлбаатар Засгийн газрын ээлжит хуралдаанаар гаргасан шийдвэрийн талаар сэтгүүлчдэд мэдээлэл хийлээ. Тэрбээр,

“Сүүлийн өдрүүдэд шинэ төрлийн коронавирусийн халдвар тархах эрсдэл байгаатай холбогдуулж улс даяар өндөржүүлсэн бэлэн байдал зарласан. Энэ үед тодорхой хэмжээний эдийн засгийн агшилт явагдаж байна. Тиймээс эдийн засгаа чангатгахын тулд авч хэрэгжүүлэх хэд хэдэн арга хэмжээг өнөөдрийн Засгийн газрын хуралдаанаар хэлэлцлээ” хэмээгээд,

“Нэгт, тасалдаад буй нүүрс, газрын тосны экспортыг энэ сарын 15-наас эхлүүлнэ. Ингэхдээ холбогдох ажилчдад эрүүл ахуйн аюулгүй байдлыг сайтар сахих, хилээр гарсан өдрөө буцаж орж ирэх гэх мэт шаардлагуудыг тавихаар болсон. 

Хоёрт, эдгээр өдрүүдэд Нийгмийн даатгалын шимтгэл төлж чадаагүйн алданг торгуулийг авахгүй. Энэ талаар УИХ хуралдаж, эцэслэн шийдвэрлэнэ. 

Мөн зарим нэг ААН-үүдийн үйл ажиллагаа тодорхой хэмжээнд доголдож буй энэ үед ямар нэг торгууль ноогдуулахгүй байх асуудлыг мөн тавьж, УИХ-аар шийдвэрлүүлнэ.

Гуравт, өндөржүүлсэн бэлэн байдалд шилжсэн эдгээр өдрүүдэд зах, худалдааны төв тэргүүтэй газруудад түрээсийн үйл ажиллагаа эрхэлдэг ААН-үүдэд түрээсийн орлогод ноогдуулах татварыг нэг удаад чөлөөлж өгөхөөр зохицууллаа. Гэхдээ зөвхөн түрээсийн төлбөрөө буулгасан түрээслэгдчэд хамаарна гэдгийг анхаараарай” гэлээ.

Холбоотой мэдээ

 Сэлэнгэ аймагт 4.0 магнитудын хүчтэй газар хөдөлжээ | DAAM.MN

 Сэлэнгэ аймгийн Ерөө сумын Буургачин багийн “Бөхлөө” гэдэг газар /аймгийн төвөөс зүүн урд зүгт 159

20/05/2022

М.Оюунчимэг: Банкны шалгуур өндөр байгаа тул иргэд ББСБ-аас хугацаа богино ч хүү өндөртэй зээл авч байна | DAAM.MN

УИХ-ын чуулганы өчигдрийн нэгдсэн хуралдаанаар УИХ-ын гишүүн М.Оюунчимэг нарын дөрвөн

20/05/2022

Ерөнхий сайд Л.Оюун-Эрдэнэ АНУ-ын Элчин сайдыг хүлээн авч уулзлаа | DAAM.MN

Монгол Улсын Ерөнхий сайд Л.Оюун-Эрдэнэ АНУ-аас Монгол Улсад суугаа Онц бөгөөд Бүрэн эрхт Элчин сайд

20/05/2022