Хятадын агаарын бохирдол эрс буурсныг NASA мэдээлжээ

02/03/2020 536

Шинэ коронавирусийн тархалтыг зогсоохын тулд Хятадад хэрэгжүүлж буй хөл хорионы дэглэм тус улсын агаарын бохирдлын хэмжээг эрс бууруулсан тухай NASA өнгөрсөн Бямба гарагт мэдээлжээ.

Хиймэл дагуулаас буулгасан зургаас харвал хоёрдугаар сарын турш Хятадын хотуудын агаар дахь азотын давхар ислийн хэмжээ их хэмжээгээр буурсан байна.

Энэ бодис нь түлш шаталт, автомашин, цахилгаан станц, барилгын үйл ажиллагаанаас үүсдэг юм.

Хятад дотроо коронавирусийн тархалтын голомт болсон Ухань хотод агаарын бохирдол эрс буурсан байна.

NASA-гийн агаарын чанарын мэргэжилтэн Фэй Лю “Нэг үйл явдалтай холбоотойгоор ийм өргөн газар нутагт агаарын чанар эрс сайжрахыг би анх удаагаа харж байна” гэж ярьжээ.

Өмнө нь Хятадад зөвхөн сар шинийн баяраар үйлдвэрүүдийн ажиллагаа зогсоход, мөн Бээжингийн олимпийн наадмын үеэр ийм үзэгдэл ажиглагдаж байсан ч энэ удаагийнхтай харьцуулах аргагүй байсан гэнэ.

Тухайлбал 2005-аас 2019 оны хугацаанд жил бүрийн энэ үед агаар дахь азотын давхар ислийн хэмжээ дунджаар 10 хувь буурдаг байсан бол энэ жил дунджаар 30 хувь буурсан байна.

Үүнээс гадна CarbonBrief байгууллагын гаргасан судалгаанд өгүүлснээр коронавирусийн тахал Хятадын хүлэмжийн хийн үйлдвэрлэлийг 25 хувиар бууруулж байгаа ажээ.

Эх сурвалж: Business Insider

Холбоотой мэдээ

 Сэлэнгэ аймагт 4.0 магнитудын хүчтэй газар хөдөлжээ | DAAM.MN

 Сэлэнгэ аймгийн Ерөө сумын Буургачин багийн “Бөхлөө” гэдэг газар /аймгийн төвөөс зүүн урд зүгт 159

20/05/2022

М.Оюунчимэг: Банкны шалгуур өндөр байгаа тул иргэд ББСБ-аас хугацаа богино ч хүү өндөртэй зээл авч байна | DAAM.MN

УИХ-ын чуулганы өчигдрийн нэгдсэн хуралдаанаар УИХ-ын гишүүн М.Оюунчимэг нарын дөрвөн

20/05/2022

Ерөнхий сайд Л.Оюун-Эрдэнэ АНУ-ын Элчин сайдыг хүлээн авч уулзлаа | DAAM.MN

Монгол Улсын Ерөнхий сайд Л.Оюун-Эрдэнэ АНУ-аас Монгол Улсад суугаа Онц бөгөөд Бүрэн эрхт Элчин сайд

20/05/2022