Бейонсе, Жэй-Зи нар “Tiffany & Co.” брэндтэй хамтран тэтгэлэгт хөтөлбөр зарлажээ | DAAM.MN

10/09/2021 725

НЬЮ-ЙОРК. /CNN/. АНУ-ын нэрт дуучин Бейонсе болон түүний нөхөр Жэй-Зи нар “About love” кампанит ажил эхлүүлснийхээ дараа өөрсдийн “BeyGOOD” болон “Shawn Carter” сангаар дамжуулан Америкийн тансаг зэрэглэлийн гоёл чимэглэлийн компани болох “Tiffany & Co.”-той хамтарсан тэтгэлэгт хөтөлбөр зарлажээ.

Тодруулбал, тэтгэлэгт хөтөлбөрийн хүрээнд Пенсильван муж улсын Линкольний Их Сургууль, Виржини муж улс дахь Норфолкийн Их Сургууль, Хойд Каролина дахь Беннетт коллеж, Арканзасын Их Сургууль, Охайо муж улсын Их сургууль зэрэг хувийн болон улсын сургуулиудад урлагийн чиглэлээр суралцаж буй оюутнуудад нийт хоёр сая ам.долларын сургалтын төлбөрийн тэтгэлэг олгохоор болжээ.

“Линкольний Их Сургуулийг энэхүү гайхалтай хөтөлбөрт хамруулсан явдалд Бейонсе, Жэй-Зи нарт эн тэргүүнд талархсанаа илэрхийлье. Мөн “Shawn Carter” болон “BeyGOOD” сан, “Tiffany & Co.” компанид талархаж буйгаа дахин илэрхийлье. Манай сургууль урлаг, хүмүүнлэгийн ухааны аливаа ажлыг дэмжих зорилтыг эн тэргүүнд тавьдаг билээ. Энэ чиглэлээр суралцаж буй оюутнуудад санхүүгийн дэмжлэг үзүүлэх нь тэдний хичээлдээ бүрэн хамрагдах боломжийг илүүтэйгээр нэмэгдүүлэх болно” гэж тус сургуулийн захирал, доктор Бренда А.Аллен мэдэгдэлдээ дурджээ.

Дэлхийн алдартай хосуудын хувьд өмнө нь өнгөт арьстнуудыг хамруулах зорилготой их, дээд сургуулиудыг дэмжиж байсан түүхтэй юм.

Тухайлбал, Бейонсе 2018 онд болсон “Coachella” хөгжмийн наадмын үеэр болон өөрийнхөө нэрэмжит “BeyGOOD” сангаараа дамжуулан өнгөт арьстнуудыг хамруулах зорилготой их, дээд сургуулиудын оюутнуудад сургалтын төлбөрийн тэтгэлэг олгож байжээ.

Эх сурвалж: МОНЦАМЭ

Холбоотой мэдээ

“Ханжоу-2022” Азийн 19 дүгээр наадам КОВИД-19 цар тахлын улмаас хойшлогдлоо | Даам.мн

БНХАУ-ын Ханжоу хотноо 2022 оны есдүгээр сард зохион байгуулагдах байсан Азийн 19 дүгээр наадам КОВИ

20/07/2022

“Мөсний ханхүү” гэгддэг 28 настай тамирчин 23 нас хүртлээ дэлхийн рекордыг 12 удаа эвдэж байсан Ханю Юзүрү өчигдөр зодог тайллаа | Даам.мн

Олимпын хошой алтан медальт, Японы уран гулгалтын супер од Ханю Юзүрү өчигдөр зодог тайлж буйгаа зар

20/07/2022

Хүлээлэгдгээрээ алдартай ОХУ-ын ерөнхийлөгчийг Туркын ерөнхийлөгч багагүй хугацаанд хүлээлгэн шоконд орууллаа | Даам.мн

Өчигдөр Ираны нийслэл Тегеран хотод ОХУ, Туркийн ерөнхийлөгч нар уулзах үеэр нэгэн сонирхолтой зүйл

20/07/2022