УИХ-ын дарга Г.Занданшатар тэргүүтэй төлөөлөгчид АНУ-ын Сан Франциско хотод айлчилж байна | DAAM.MN

19/09/2021 1162

УИХ-ын дарга Г.Занданшатар тэргүүтэй төлөөлөгчид АНУ-ын Сан Франциско хотод ажлын айлчлал хийж байна. Айлчлалын хүрээнд Азийн сангийн ерөнхийлөгч Дэвид Арнолд Монгол Улсын Их Хурлын дарга Г.Занданшатарт бараалхав.

Азийн сангийн ерөнхийлөгч Дэвид Арнолд Монголын парламентын тэргүүн, төлөөлөгчидтэй уулзсандаа баяртай байгаагаа илэрхийлж, Ази дахь сангийнхаа хэрэгжүүлж буй төсөл хөтөлбөрийн цар хүрээг өргөжүүлэх, мөн сангийнхаа үйл ажиллагааг дэмжигч, хандивлагч орны тоог нэмэхэд анхаарч байгаагаа уулзалтын үеэр онцлон тэмдэглэв.

Азийн сан нь Монгол Улсад ардчиллыг бэхжүүлэх, авилгыг багасгах, уур амьсгалын өөрчлөлтийн нөлөөг багасгах, хүйсийн тэнцвэрт байдлыг нэмэгдүүлэх чиглэлээр үйл ажиллагаа явуулж ирсэн. 1993 онд Улаанбаатар хотод салбараа нээж байсан Азийн сан нь дээр дурдсан асуудлыг шийдэхэд Монгол Улсын Засгийн газар, төрийн болон төрийн бус байгууллагатай нягт ажилласаар иржээ.

Уулзалтад Улсын Их Хурлын гишүүн Т.Аубакир, Х.Булгантуяа, Ж.Мөнхбат, Б.Саранчимэг, Ц.Цэрэнпунцаг, Азийн сангийн Хөтөлбөр хариуцсан тэргүүн дэд ерөнхийлөгч Гордон Хейн, Олон нийттэх харилцах асуудал хариуцсан дэд ерөнхийлөгч Ами Овалле болон бусад албаны хүмүүс байлцаж, талууд Монголын ардчиллын ололт амжилт, тулгамдаж буй асуудал зэрэг өргөн хүрээнд яриа өрнүүлснийг УИХ-ын Хэвлэл мэдээлэл, олон нийттэй харилцах хэлтсээс мэдээлэв.

Холбоотой мэдээ

ОХУ-аас импортолж буй эрчим хүчний төлбөрийн алдагдлыг хэрхэн шийдвэрлэх талаар судлахыг даалгажээ | Даам.мн

Эрчим хүчний салбарын 2022-2023 оны өвөлжилтийн бэлтгэл хангах ажлын гүйцэтгэлийг хэлэлцээд бэлтгэл

20/07/2022

ll улирлын НӨАТ-ын буцаан олголтоороо хөрөнгийн татваруудаа төлөх боломжтой боллоо | Даам.мн

2022 оны ll улирлын НӨАТ-ын буцаан олголтоороо хөрөнгийн татваруудаа төлөх боломжтой болсон байдаг.

20/07/2022

Монгол улсын заан Н.Жаргалбаяр, ЗД-ын орлогч Н.Энхбат нарт хэрэг бүртгэлтийн хэрэг нээсэн байна | Даам.мн

Монгол Улсын заан Н.Жаргалбаяр, Өмнөговь аймгийн Засаг даргын орлогч Н.Энхбат нарыг АТГ-аас шалгаж э

20/07/2022