Үндэслэлгүйгээр үнэ нэмсэн аж ахуйн нэгжийг 5-20 саяар торгоно | ДААМ.МН

13/03/2020 865

Шударга өрсөлдөөн, хэрэглэгчийн төлөө газраас цаашид өргөн хэрэглээний бараа, бүтээгдэхүүний үнийг зохиомлоор нэмж иргэд, хэрэглэгчдийг хохироосон иргэд, аж ахуйн нэгж, байгууллагад хуулийн дагуу хариуцлага тооцож, тухайн газрын үйл ажиллагаа эрхлэх зөвшөөрлийг цуцлах саналыг холбогдох газруудад хүргүүлэхээ мэдэгдлээ.

Зөрчлийн тухай хуулиар үнэ нэмсэн байгууллага, аж ахуйн нэгжид таван саяас 20 сая хүртэлх торгууль ногдуулж, аж ахуйн нэгжийн тусгай зөвшөөрлийг цуцлах хүртэл арга хэмжээ авах юм байна.

Улсын Онцгой Комиссын хуралдааны үеэр ХХААХҮ-ийн сайд Ч.Улаан өргөн хэрэглээний бараа, бүтээгдэхүүний зах зээл дэх нийлүүлэлт, мах, гурил, цагаан будаа, элсэн чихэр зэрэг хүнсний бүтээгдэхүүний нөөц хангалттай байгаа талаар мэдэгдсэн.

Иймд ард иргэд тайван байж, УОК-ын шийдвэрийг даган, хэрэглээгээ зохицуулах нь чухал юм. Засгийн газраас хүнс, бараа бүтээгдэхүүний хомсдол үүсгэхгүй, нийлүүлэлтийг тогтвортой байлгахаар шаардлагатай зохицуулалтуудыг хийж байна. Үүний дагуу ШӨХТГ үндэслэлгүйгээр үнэ нэмсэн асуудалд хяналт тавин, ажлын хэсэг гарган ажиллуулж байна. Өнөөдрөөс зарим худалдааны зах, дэлгүүрүүдэд махны эрэлт багасч, үнэ буурч эхэлсэн мэдээлэл байна.

Мөн үүсээд буй нөхцөл байдлыг далимдуулан үнээ өсгөсөн худалдааны төв, дэлгүүрийн талаарх мэдээллийг хүлээн авах 1800-1284 дугаарын утас ажиллуулж байна. Өчигдрийн байдлаар иргэдээс өргөн хэрэглээний бараа материал, ариутгагч бодис, амны хаалттай холбоотой 11 гомдол ирүүлсэн байна гэж Шадар Сайдын Ажлын Албанаас мэдээллээ.

Холбоотой мэдээ

НӨАТ-ын буцаан олголт “ДАВАА ГАРАГТ” иргэдийн дансанд орно | DAAM.MN

Иргэдийн дансанд НӨАТ-ын буцаан олголт  энэ сарын  25-ны өдрөөс эхлэн иргэдийн дансанд орно. Сангийн

22/04/2022

Ипотекийн зээлд он гарсаар 1680 иргэн хамрагджээ | DAAM.MN

Он гарсаар 4-р сарын 14-ний өдрийн байдлаар 1,680 иргэн орон сууцны 6 хувийн зээлд хамрагджээ. Дээ

21/04/2022

9 ширхэг үнэт цаасыг 2,540,912 төгрөгөөр арилжаалсан байна | DAAM.MN

2022 оны 4 дүгээр сарын 20-ны өдөр энгийн арилжаагаар 33 хувьцаат компанийн 173,250,838 төгрөгийн үн

21/04/2022