Калифорни сургуулийн сурагчдыг “COVID-19”-ийн вакцин хийлгэхийг шаардах анхны муж улс болно | DAAM.MN

04/10/2021 539

ВАШИНГТОН. /Insider/. АНУ-ын Калифорни сургуулийн сурагчдыг “COVID-19”-ийн эсрэг вакцин хийлгэхийг шаардах анхны муж улс болж байгаа талаар тус муж улсын захирагч Гэвин Ньюсом баасан гарагт мэдэгджээ.

“Бид энэ өвчнийг ардаа орхихыг хүсэж байна” гэж Гэвин Ньюсом хэвлэлийн бага хурлын үеэр онцолсон байна. Мөн тэрээр АНУ-ын Хүнс, эмийн чанарын хяналтын газар /FDA/ хүүхдүүдэд хийх “COVID-19”-ийн вакциныг бүрэн зөвшөөрсний дараа сургуулийн эхний улиралд вакцинжуулах ажлыг эхлүүлнэ хэмээн нэмж дурджээ.

Эхний ээлжинд 7-12 дугаар ангийн хүүхдүүдийг вакцинжуулалтад хамруулах бөгөөд үүний дараа цэцэрлэгийн насны хүүхдүүдийг дархлаажуулах ажээ.

Тус улсын Хүнс, эмийн чанарын хяналтын газар энэ оны наймдугаар сард “Pfizer/BioNTech” компанийн “COVID-19”-ийн вакциныг хэрэглэх зөвшөөрөл олгосны зэрэгцээ 12 ба түүнээс дээш насны бүх хүмүүст хийхийг зөвшөөрчээ. Үүнтэй холбогдуулан энэ оны сүүлч үе гэхэд таваас дээш насны хүүхдүүдэд уг вакциныг хийх зөвшөөрлийг олгох төлөвтэй байна.

Калифорни муж улсын зарим сургуулийн дүүргүүд аль хэдийн сурагчдыг “COVID-19”-ийн эсрэг вакцинд хамруулах шийдвэрийг дэмжиж буйгаа илэрхийлээд байгаа бөгөөд наймдугаар сараас эхлэн муж улсын гаргасан шийдвэрийн хүрээнд сургуулийн багш, ажилчдыг вакцин хийлгэсэн байх, долоо хоногт нэг удаа коронавирусний шинжилгээнд хамрагдсан байхыг үүрэг болгожээ.

Үүний зэрэгцээ бага насны хүүхдүүд цэцэрлэгт орохоосоо өмнө полиомиелит буюу халдварт саа өвчин, улаан бурхан, гепатит, салхин цэцэг зэрэг бусад өвчний эсрэг дархлаажуулалтанд хамрагдах ёстой юм.

Калифорни муж улсад өнгөрсөн сарын 28-ны байдлаар 12-17 насны хүүхдүүдийн 63 хувь нь вакцины эхний тунг хийлгэжээ.

Эх сурвалж: МОНЦАМЭ

Холбоотой мэдээ

“Ханжоу-2022” Азийн 19 дүгээр наадам КОВИД-19 цар тахлын улмаас хойшлогдлоо | Даам.мн

БНХАУ-ын Ханжоу хотноо 2022 оны есдүгээр сард зохион байгуулагдах байсан Азийн 19 дүгээр наадам КОВИ

20/07/2022

“Мөсний ханхүү” гэгддэг 28 настай тамирчин 23 нас хүртлээ дэлхийн рекордыг 12 удаа эвдэж байсан Ханю Юзүрү өчигдөр зодог тайллаа | Даам.мн

Олимпын хошой алтан медальт, Японы уран гулгалтын супер од Ханю Юзүрү өчигдөр зодог тайлж буйгаа зар

20/07/2022

Хүлээлэгдгээрээ алдартай ОХУ-ын ерөнхийлөгчийг Туркын ерөнхийлөгч багагүй хугацаанд хүлээлгэн шоконд орууллаа | Даам.мн

Өчигдөр Ираны нийслэл Тегеран хотод ОХУ, Туркийн ерөнхийлөгч нар уулзах үеэр нэгэн сонирхолтой зүйл

20/07/2022