Жо Байдены рейтинг хамгийн доод түвшинд хүрч унажээ | DAAM.MN

07/10/2021 423

НЬЮ-ЙОРК. /RT/. АНУ-ын Ерөнхийлөгч Жо Байдены үйл ажиллагааг дэмжигчдийн тоо албан тушаалаа авснаас нь хойших хамгийн бага түвшинд хүрч буурсныг Квиннипекийн их сургуулиас явуулсан санал асуулгын дүн харуулжээ.

Санал асуулгын дүнгээс үзэхэд америкчуудын 53 хувь нь Байдены ажилд муу үнэлгээ өгсөн бол 38 хувь нь сайн үнэлгээ өгсөн байна. Гурван долоо хоногийн өмнө дээрх их сургуулиас явуулсан өмнөх санал асуулгад оролцогчдын 42 хувь нь Байдены ажлыг дэмжиж байсан бол 50 хувь нь муу үнэлгээ өгчээ. Ийнхүү Америкийн Ерөнхийлөгчийн нэр хүндийн үзүүлэлт буурах хандлага ажиглагдаж эхэлсэн байна.

Байдены үйл ажиллагааг үнэлэхэд улс төрийн үзэл бодол ихээхэн хамааралтай байгаа нь харагджээ. Бүгд найрамдахчуудын дунд судалгаанд оролцогчдын 94 хувь нь түүний үйл ажиллагаанд муу үнэлгээ өгсөн бол ардчилагчдын дунд энэ үзүүлэлт ердөө 10 хувь байна. Гэсэн хэдий ч өөрсдийгөө нам бус гэж үздэг хүмүүсийн дунд ерөнхийлөгчийн дэмжлэгийн үнэлгээ улсын дунджаас доогуур хэвээр байна. Нам бус хүмүүсийн 60 хувь нь Цагаан ордны эзний хүчин чармайлтад муу үнэлгээ өгсөн бол ердөө 32 хувь нь сайн үнэлгээ өгчээ.

Ялангуяа америкчууд Байдены цагаачдын талаар явуулж буй бодлого болон Латин Америкийн олон мянган иргэн “шургахыг” оролдож байгаа тус улсын өмнөд хилийн нөхцөл байдалд сэтгэл дундуур байна. Байдены энэ чиглэлээр явуулж буй үйл ажиллагаанд 67 хувь нь муу, 23 хувь нь сайн үнэлгээ өгчээ.

Афганистаны талаар явуулж буй бодлогын хувьд санал асуулгад оролцогчдын ердөө 28 хувийнх нь дэмжлэгийг авсан бол 50 хувь нь тус улсыг дэмжихийн тулд АНУ тодорхой хүчээ орхих ёстой гэж үзэж байна. Харин 15 хувь нь цэргээ ерөөс эргүүлэн татах ёсгүй байсан гэж мэдэгджээ. АНУ-ын эдийн засгийн төлөв байдалд америкчуудын 72 хувь нь ямар нэг хэмжээгээр сэтгэл ханамжгүй байна.

Энэ сарын 1-4-ний хооронд орон даяар явуулсан санал асуулгад АНУ-ын насанд хүрсэн 1326 иргэн оролцжээ.

Эх сурвалж: МОНЦАМЭ

Холбоотой мэдээ

“Ханжоу-2022” Азийн 19 дүгээр наадам КОВИД-19 цар тахлын улмаас хойшлогдлоо | Даам.мн

БНХАУ-ын Ханжоу хотноо 2022 оны есдүгээр сард зохион байгуулагдах байсан Азийн 19 дүгээр наадам КОВИ

20/07/2022

“Мөсний ханхүү” гэгддэг 28 настай тамирчин 23 нас хүртлээ дэлхийн рекордыг 12 удаа эвдэж байсан Ханю Юзүрү өчигдөр зодог тайллаа | Даам.мн

Олимпын хошой алтан медальт, Японы уран гулгалтын супер од Ханю Юзүрү өчигдөр зодог тайлж буйгаа зар

20/07/2022

Хүлээлэгдгээрээ алдартай ОХУ-ын ерөнхийлөгчийг Туркын ерөнхийлөгч багагүй хугацаанд хүлээлгэн шоконд орууллаа | Даам.мн

Өчигдөр Ираны нийслэл Тегеран хотод ОХУ, Туркийн ерөнхийлөгч нар уулзах үеэр нэгэн сонирхолтой зүйл

20/07/2022