Хүүхдээ цэцэрлэгт үргэлжлүүлж хамруулах хүсэлтэй эцэг, эхчүүд хүсэлт гаргана | DAAM.MN

08/12/2021 408
Энэ хичээлийн жилд сургуулийн өмнөх боловсролын 8499 бүлэгт 247 мянган хүүхэд цэцэрлэгт хамрагдаж байна. Тэгвэл Засгийн газраас ЕБС болон их, дээд сургуулийг энэ сарын 10-наас цахимд шилжүүлж, 18-наас бүрэн амраах шийдвэрийг гаргахтай зэрэгцэн сургуулийн өмнөх насныхныг яах вэ гэсэн асуудал хөндөгдсөн юм. Өөрөөр хэлбэл,  цэцэрлэгийг нийслэлд энэ баасан гарагийг дуустал, орон нутагт 17-ны өдрийг дуустал хичээллээд үйл ажиллагааг нь зогсоохоор болсон юм. Үүнтэй холбоотойгоор  бага насны хүүхэд харах хүнгүй өрхийн хүүхдийг үргэлжлүүлэн сургах холимог анги нээхээр болсон юм. Эрүүл мэнд, амь нас, аюулгүй байдал, хөгжих хэвийн орчин нь алдагдсан, эцэг эх, асран хамгаалагч, харгалзан дэмжигч нь гэр бүлийн орчинд харах боломжгүй хүүхдийг цэцэрлэгт нь үргэлжлүүлэн сургах боломжоор хангахаар тогтсон. Энэ талаар  БШУЯ-ны Сургуулийн өмнөх боловсролын хэлтсийн дарга Ж.Мягмар “Цэцэрлэг амрах хугацаанд цахим болон теле хичээл явагдахгүй. Тиймээс амрах хугацаанд гэртээ харах хүнгүй, эсвэл хөгжлийн бэрхшээлтэй хүүхдүүд буюу цэцэрлэгт зайлшгүй хамрагдах шаардлагатай хүүхдүүдээ цэцэрлэгт авна. Нөгөөтэйгүүр, хажууд нь харах хүн байсан ч тэр нь өндөр настай, эсвэл хүнд өвчтэй, гэрт нь түлээ нүүрс, халуун хоол ундгүй буюу амьжиргааны түвшин доогуур өрхийн хүүхдээ хүлээн авна.
Хүүхдээ цэцэрлэгт үргэлжлүүлж хамруулах хүсэлтэй эцэг, эхчүүд цэцэрлэгийн захиргаанд хүсэлтээ гаргана” гэлээ. Харин  холимог анги нээж буй цэцэрлэгүүд энгийн цагийн хуваариар буюу 09:00-17:00 цагт ажиллах юм байна.
Харин ЕБС-ийн нэгдүгээр улирлын амралт арванхоёрдугаар сарын 18-наас эхэлнэ. Амралтын 16 долоо хоногийн хугацаанд сурагчдад даалгавар өгөхгүй байх. Ингэхдээ цахимаас холдуулж, номтой нөхөрлүүлэх чиглэлийг БШУЯ-наас аймаг, нийслэлийн Боловсролын газруудад өгчээ.
Эх сурвалж: “Зууны мэдээ” сонин

Холбоотой мэдээ

Оросын хакерууд Япон руу халдлага үйлдсээр байна | DAAM.MN

Япон улс Оросын түрэмгийллийн эсрэг Украиныг дэмжсэн байр суурьтай байна. Тиймээс Оросын хакерууд Яп

12/09/2022

Хятадад хамгийн халуун зун болжээ | DAAM.MN

Хятад улсад энэ жил цаг уурын мэдээллийг бүрэн эмхэтгэн хөтөлж эхэлсэн 1961 оноос хойших хамгийн хал

12/09/2022

Ойн түймэр агаарын бохирдлыг улам ихэсгэж байна | DAAM.MN

Уур амьсгалын өөрчлөлтөөс үүдэн хэт халж, ойн түймэр дэгдэж байгаа нь бидний амьсгалж буй агаарын ча

12/09/2022