НҮБ-ын Хүүхдийн сангийн Суурин төлөөлөгч ноён Эварист Куасси-Комлан үүрэгт ажилдаа орлоо | DAAM.MN

10/12/2021 485

НҮБ-ын Хүүхдийн сангийн Суурин төлөөлөгч ноён Эварист Куасси-Комлан 12 дугаар сарын 9-ний өдөр Гадаад харилцааны сайд Б.Батцэцэгт Итгэмжлэх захидлаа гардуулж, үүрэгт ажилдаа албан ёсоор оров.

Гадаад харилцааны сайд Б.Батцэцэг Монгол Улсын нийгэм, эдийн засгийн зорилтууд, ялангуяа хүүхдийн хөгжил, эрх ашгийг хамгаалах үйлсэд НҮБ-ын Хүүхдийн сан олон жилийн турш үнэтэй хувь нэмэр оруулсныг онцлон тэмдэглэж, КОВИД-19 цар тахлын үед иргэдийг вакцинжуулах, нийгмийн эрүүл мэндийн онцгой байдлын үеийн чадавхыг бэхжүүлэх чиглэлээр идэвхтэй хамтран ажиллаж байгаад сэтгэл хангалуун байгаагаа илэрхийлэв.

Суурин төлөөлөгч Эварист Куасси-Комлан агаарын бохирдол эх, хүүхдийн эрүүл мэндэд сөргөөр нөлөөлж байгааг бууруулах, Ерөнхий боловсролын сургуулийн интернэт сүлжээг сайжруулах зэрэг НҮБ-ын Хүүхдийн сангаас амжилттай хэрэгжүүлж буй төсөл, хөтөлбөрүүдийг үргэлжлүүлэн хэрэгжүүлэх асуудлаар санал солилцов.

Суурин төлөөлөгч Эварист Куасси-Комлан нь Того Улсын иргэн бөгөөд цэвэр ус, ариун цэвэр, эрүүл ахуйн асуудлаар мэргэшсэн, манай улсад томилогдохын өмнө Тайланд Улсын Бангкок хот дахь НҮБ-ын Хүүхдийн сангийн Зүүн Ази, Номхон далайн бүс нутгийн төвийн даргаар, мөн Мьянмар, Мадагаскар зэрэг улсад ажиллаж байсан туршлагатай болно.

Холбоотой мэдээ

“Милан-кортина-2026” олимпын эрх олгох үндсэн зарчмыг батлав | DAAM.MN

Өвлийн XXV олимпын наадам 2026 онд Италийн Милан, Кортина хотуудад болно. ОУОХ Гүйцэтгэх зөвлөлийн х

12/09/2022

Сургалтад 30 орчим алба хаагч хамрагдаж байна | DAAM.MN

Онцгой байдлын ерөнхий газраас ОХУ-ын Байгалийн эрэн хайх, аврах отрядтай хамтран зохион байгуулж ба

12/09/2022

Цэцэг суманд тарваган тахлын сэжигтэй тохиолдол бүртгэгджээ | DAAM.MN

Ховд аймгийн Цэцэг суманд тарваган тахлын сэжигтэй тохиолдол бүртгэгдсэнтэй холбогдуулан тус сумаас

12/09/2022