Х.Нямбаатар: Оюу толгойн далд уурхайн бүтээн байгуулалтын төлөвлөгөөг цуцлах тогтоолыг УИХ-д өргөн мэдүүлсэн | DAAM.MN

22/12/2021 504

Засгийн газрын хуралдаанаас гарсан шийдвэрүүдийг танилцуулж байна. Энэ үеэр Хууль зүйн яамны сайд Х.Нямбаатар Оюутолгойн ордоос Монгол улсын хүртэх үр ашгийг хангуулах арга хэмжээний тухай тогтоолыг төслийг хэлэлцэж УИХ-д өргөн мэдүүлсэн талаар мэдээллээ.

Тэрээр “Засгийн газрын өнөөдрийн хуралдаанаар Оюутолгойн ордоос Монгол Улсын хүртэх үр ашгийг хангуулах арга хэмжээний тухай УИХ-ын тогтоолын төслийг дэмжиж, УИХ-ын чуулганы хуралдааны дэгийн тухай хуульд заасан яаралтай горимоор УИХ-д өргөн мэдүүлсэн. Өнөөдөр түр хороо хуралдах товтой байна. Улмаар маргааш чуулганы нэгдсэн хуралдаанаар Засгийн газраас өргөн мэдүүлсэн Оюутолгойн ордоос Монгол Улсын хүртэх үр ашгийг хангуулах арга хэмжээний тухай тогтоолын төслийг хэлэлцэх хэлэлцүүлэг зохион байгуулна.

Тогтоолын төслийн талаар мэдээлэл өгөхөд,

2019 оны УИХ-ын Оюутолгой ордын ашиглалтад Монгол Улсын эрх ашгийн хангуулах тухай 92 дугаар тогтоолын хэрэгжилтийг хангах зорилгоор хийсэн хэлэлцээрийн хүрээнд гадаадын хөрөнгө оруулагчаас ирүүлсэн саналыг үндэслэн дараах арга хэмжээг авч, хууль тогтоомжийн хүрээнд авч хэрэгжүүлэхийг Засгийн Газар зөвшөөрч байгаа.

Нэгдүгээрт, Оюутолгой төслийн Монголын Засгийн газрын эзэмшлийн хувьд ноогдох 2.3 тэрбум амдолларын өрийг 100 хувь тэглэх

Хоёрдугаарт, Далд уурхай бүтээн байгуулах санхүүжилтийн төлөвлөгөө буюу “Дубайн гэрээ”-г энэ захидал очсон цагаас дуусгавар болгох

Гуравдугаарт, Оюутолгойн далд уурхай бүтээн байгуулах төслийн санхүүжилтийн өмнө нь зарцуулсан дүнд Монгол Улсын Засгийн газар хөндлөнгийн аудит оруулах

Дөрөвдүгээрт, гүний уурхай ашиглалтад ороогүй хугацаа алдаж, 2023 оны нэгдүгээр хагаст ашиглалтад оруулахаар төлөвлөж байгаа. Энэ хүртэл гарах зардлыг хөрөнгө оруулагч тал 100 хувь хариуцахаа тэмдэглэсэн байна.

Тавдугаарт, Оюутолгой компанийн засаглалыг сайжруулах, Монгол Улсын эрчим хүчний нэгдсэн сүлжээнээс цахилгаан эрчим хүчээ хангах гэрээ байгуулах, байгаль орчны асуудлаар хамтран ажиллах

Зургадугаарт, Татварын агтын биелэлтийг хангуулах, цаашид нэг мөр ойлгож, дагаж мөрдүүлэхийг хүлээн зөвшөөрч, хэрэгжүүлэх гэж заасан” гэлээ.

Холбоотой мэдээ

“Милан-кортина-2026” олимпын эрх олгох үндсэн зарчмыг батлав | DAAM.MN

Өвлийн XXV олимпын наадам 2026 онд Италийн Милан, Кортина хотуудад болно. ОУОХ Гүйцэтгэх зөвлөлийн х

12/09/2022

Сургалтад 30 орчим алба хаагч хамрагдаж байна | DAAM.MN

Онцгой байдлын ерөнхий газраас ОХУ-ын Байгалийн эрэн хайх, аврах отрядтай хамтран зохион байгуулж ба

12/09/2022

Цэцэг суманд тарваган тахлын сэжигтэй тохиолдол бүртгэгджээ | DAAM.MN

Ховд аймгийн Цэцэг суманд тарваган тахлын сэжигтэй тохиолдол бүртгэгдсэнтэй холбогдуулан тус сумаас

12/09/2022