Төр, хувийн хэвшлийн хамтын ажиллагааг шинэ шатанд гаргахад мэргэжлийн холбоодтой хамтарна | DAAM.MN

28/12/2021 863
Шударга өрсөлдөөн, хэрэглэгчийн төлөө газрын дэргэд байгуулагдсан Мэргэжлийн нэгдсэн холбоодын зөвлөлийн удирдлагуудыг Монгол Улсын Шадар сайд С.Амарсайхан хүлээн авч уулзлаа. Коронавируст цар тахлын үеийн эдийн засгийн эргэлтийг эрчимжүүлэх үүднээс 120 орчим бизнес эрхлэгчдийн холбоод, төрийн бус байгууллагын төлөөлөл нэгдэн тус зөвлөлийг байгуулсан бөгөөд төр, хувийн хэвшлийн хамтын ажиллагааг сайжруулахад тулгамдаж буй бодит саналуудаа Шадар сайдад уламжлав. Тухайлбал, Худалдааны салбарын бие даасан хуультай болох, гаалийн татварын тарифын зохицуулалтыг хийх, үндэсний үйлдвэрүүдийн борлуулалтыг дэмжих үүднээс төрийн худалдан авалтыг нэмэгдүүлэх зэрэг 16 асуудлыг санал болгосон юм.
Цар тахлын хүнд нөхцөл байдалд төр, хувийн хэвшил хамтарч ажилласнаар бизнесүүдийг дэмжих, улмаар эдийн засгийг сэргээхэд чухал ач холбогдолтой учраас бизнес эрхлэгчдэд тулгарч буй төрийн хүнд суртал, олон төрлийн зөвшөөрөл, бичиг баримт, тусгай лиценз нэхдэг, хяналт шалгалт нэртэй дарамт цөөнгүй байдгийг өөрчлөх цаг нь болсон гэдгийг талууд онцолж байлаа. Мэргэжлийн нэгдсэн холбоодын зөвлөлийн хувьд энэ талын хууль эрх зүйн орчинг сайжруулах, төрийн байгууллагуудын хяналт, шалгалтын давхардлыг арилгуулах, хуульд заагаагүй тусгай зөвшөөрөл, төлбөр хураамж авч буй асуудлыг багасгахын төлөө нэгдэн дуу хоолойгоо төр, засагт хүргэж эхлээд байна.
Тухайлбал, он гарангуут УИХ-аар хэлэлцэх Холбооны эрх зүйн байдлын тухай хуулийн төсөл, Төрийн болон орон нутгийн өмчийн хөрөнгө бараа ажил, үйлчилгээ худалдан авах тухай, Зөвшөөрлийн тухай хуулийн төсөлд өөрсдийн байр суурь, саналаа хүргүүлэх хүсэлтэй байгаагаа зөвлөлийн удирдлагууд хөндсөнийг Шадар сайд дэмжин, хамтарч ажиллахаа илэрхийлэв.
Тэрбээр “Монгол Улсын Засгийн газраас дотоодын үйлдвэрлэлээ дэмжих, хөгжүүлэх чиглэлээр бодлогын түвшинд анхаарч ажиллаж байна. Энэ хүрээнд “Шинэ сэргэлтийн бодлого”-ыг батлуулахаар УИХ-д өргөн бариад байгаа. Иймд мэргэжлийн холбоодтойгоо хамтарч, төр хувийн хэвшлийн хамтын ажиллагааг зүгээр нэг уриа лоозон төдий бус, бодит ажил хэрэг болгохын төлөө хичээж ажиллах болно. Холбооны эрх зүйн байдлын тухай хуульд Та бүхний санал хүсэлтийг тусгахад анхаарч, хуулийн төслийн Ажлын хэсэгт оруулах талаар холбогдох хүмүүст чиглэл өгнө” хэмээн хэллээ.

Холбоотой мэдээ

“Милан-кортина-2026” олимпын эрх олгох үндсэн зарчмыг батлав | DAAM.MN

Өвлийн XXV олимпын наадам 2026 онд Италийн Милан, Кортина хотуудад болно. ОУОХ Гүйцэтгэх зөвлөлийн х

12/09/2022

Сургалтад 30 орчим алба хаагч хамрагдаж байна | DAAM.MN

Онцгой байдлын ерөнхий газраас ОХУ-ын Байгалийн эрэн хайх, аврах отрядтай хамтран зохион байгуулж ба

12/09/2022

Цэцэг суманд тарваган тахлын сэжигтэй тохиолдол бүртгэгджээ | DAAM.MN

Ховд аймгийн Цэцэг суманд тарваган тахлын сэжигтэй тохиолдол бүртгэгдсэнтэй холбогдуулан тус сумаас

12/09/2022