Казахстаны эрх баригчдад анхааруулгагүй гал нээх тушаалаа хүчингүй болгохыг уриалжээ | DAAM.MN

08/01/2022 598

АНУ-ын хотноо Нью-Йорк хотод төвтэй олон улсын хүний эрхийн төлөөх “Human Rights Watch” байгууллага баасан гарагт мэдэгдэл гаргаж, Казахстаны цэргүүдэд өгсөн гал нээх тушаалыг хууль бус гэж мэдэгджээ. Ийм шийдвэр нь тус улсын олон улсын эрх зүйн үүрэгтэй зөрчилдөж байна гэж хүний эрхийг хамгаалагчид үзэж байна.

“Аюулаас хамгаалах хүчнийхэнд өгсөн анхааруулгагүй гал нээх тушаалаа Казахстаны эрх баригчид нэн даруй хүчингүй болгох ёстой. Энэ тушаал нь Казахстаны хүний ​​амьд явах эрхийг хүндэтгэж, хамгаалах олон улсын эрх зүйн үүрэг хариуцлагатай нь зөрчилдөж байна” гэж тус байгууллагын мэдэгдэлд дурджээ.

Үүнээс гадна, үймээний үеэр саатуулагдсан хүмүүсийн эрхийг сахин биелүүлэхийг хүний ​​эрхийн төлөө тэмцэгчид шаардаж байна. “Казахстаны эрх баригчид сүүлийн өдрүүдэд баривчлагдсан бүх хүнд өөрсдийн сонгосон хуульчаар өмгөөлүүлэх зэрэг процессын бүх эрхийг нь эдлүүлэх ёстой” гэж “Human Rights Watch” мэдэгдэлдээ тэмдэглэсэн байна.

Казахстаны Ерөнхийлөгч Кассым-Жомарт Токаев баасан гарагт ард түмэндээ хандаж үг хэлэхдээ, “анхааруулга өгөлгүй гал нээх эрхийг цэргүүдэд өгч”, “зэвсэглэсэн, бэлтгэгдсэн дээрэмчидтэй хэлэлцээ хийхгүй” гэж мэдэгджээ.

Эх сурвалж: МОНЦАМЭ

Холбоотой мэдээ

Оросын хакерууд Япон руу халдлага үйлдсээр байна | DAAM.MN

Япон улс Оросын түрэмгийллийн эсрэг Украиныг дэмжсэн байр суурьтай байна. Тиймээс Оросын хакерууд Яп

12/09/2022

Хятадад хамгийн халуун зун болжээ | DAAM.MN

Хятад улсад энэ жил цаг уурын мэдээллийг бүрэн эмхэтгэн хөтөлж эхэлсэн 1961 оноос хойших хамгийн хал

12/09/2022

Ойн түймэр агаарын бохирдлыг улам ихэсгэж байна | DAAM.MN

Уур амьсгалын өөрчлөлтөөс үүдэн хэт халж, ойн түймэр дэгдэж байгаа нь бидний амьсгалж буй агаарын ча

12/09/2022