Н.Номтойбаяр: Халдашгүй байдлын дэд хороо хаалттай биш нээлттэй хуралдвал оролцоно

18/01/2020 323

УИХ-ын гишүүн Н.Номтойбаярын бүрэн эрхийг түдгэлзүүлэх саналыг Улсын ерөнхий прокуророос Их хуралд хүргүүлсэн.

Энэ хүрээнд өчигдөр буюу нэгдүгээр сарын 17-нд УИХ-ын гишүүний халдашгүй байдлын дэд хороо хуралдаж Н.Номтойбаяр гишүүний бүрэн эрхийг түдгэлзүүлэх тухай УЕП Б.Жаргалсайханы хүсэлтийг хүлээн авах эсэхийг хэлэлцсэн. Халдашгүй байдлын дэд хороонд УИХ-ын гишүүн Ц.Нямдорж, Ө.Энхтүвшин, Ч.Улаан, Н.Энхболд, Д.Лүндээжанцан нар багтдаг.

УИХ-ын гишүүн Д.Лүндээжанцан, Ч.Улаан нар томилолттой байгаа тул үлдсэн гурван гишүүн хуралдсан билээ.

Улсын ерөнхий прокуророос УИХ-ын гишүүний бүрэн эрхийг түдгэлзүүлэх санал ирүүлсэн тохиолдолд УИХ 48 цагийн дотор хэлэлцэн шийдвэрлэх хуулийн зохицуулалттай ч ХЗДХ-ийн сайд Ц.Нямдорж гишүүдийн ирц хүрэлцээгүй шалтгаанаар ирэх долоо хоногт Н.Номтойбаярын асуудлыг хэлэлцэх шийдвэр гаргасан.

Ямар үндэслэлээр УИХ-ын гишүүний бүрэн эрхийг нь түдгэлзүүлэх саналыг УЕП-оос Их хуралд хүргүүлсэн талаар Н.Номтойбаяр гишүүнээс тодруулахад “Сүүлд хийсэн хэвлэлийн хурлын үеэр хэргийн нууц задруулсан гэдэг үндэслэлээр бүрэн эрх түдгэлзүүлэх санал ирүүлсэн. Үнэхээр хэргийн нууц задалсан бол энэ эрүүгийн хэрэг болно. Гэтэл нууц задалсан эсэхийг шалгаагүй, надад ч мэдэгдээгүй.

Хэрэв Халдашгүй байдлын дэд хорооны хурал хаалттай болбол би оролцохгүй. Надад нуугаад байх зүйл байхгүй. Нээлттэй хуралдвал оролцоно” гэлээ.

Холбоотой мэдээ

Х.Бээжин: Э.Бат-Үүл тэргүүтэй хүмүүс жагсаал зохион байгуулбал ташууртай очно | DAAM.MN

Гавьяат жүжигчин Д.Сосорбарам руу гурил цацсан  Х.Бээжин өнөөдөр хэвлэлийн хурал зарлаж мэдэгдэл хий

16/05/2022

Г.Занданшатар: Тэрбум мод нэг модноос эхэлнэ | DAAM.MN

Манай улс 2010 оноос эхлэн жил бүрийн тав, аравдугаар сарын хоёр дахь долоо хоногийн бямба гарагийг

16/05/2022

Д.Доржсүрэн шүүгчийг хаалдах гэж оролдсон учраас Н.Түвшинбаярын хэргийг шүүхээс татгалзжээ | DAAM.MN

Өнөөдөр олимпын аварга Н.Түвшинбаярын шүүх хурал Хан-Уул дүүргийн Эрүүгийн хэргийн анхан шатны шүүхэ

12/05/2022