Хятадад тарсан коронавирус хүнээс хүнд халддагийг тогтоож, ДЭМБ шуурхай хурал зарлалаа

21/01/2020 229

элхийн Эрүүл Мэндийн Байгууллага (ДЭМБ) өчигдөр Хятадад шинээр илэрсэн коронавирусын асуудлаар яаралтай хуралдаан зарлажээ. Өнгөрсөн сард Хятадын Ухань хотод анх илэрсэн уг вирус өнөөдөр Азийн гурван улсад нэмж илрээд байгаа юм. ДЭМБ-ын удирдах зөвлөл маргааш буюу Лхагва гарагт Женев хотод хуралдаж, олон улсын хэмжээнд эрүүл мэндийн онц байдал зарлах үгүйг хэлэлцэж, шийдэх гэнэ. Ийм онц байдлыг өмнө нь гахайн ханиад, Эбола, Зика вирусны тархалтын үед зарлаж байжээ.

Өчигдөр бас Хятадын засгийн газрын мэргэжилтэн шинэ вирус нь хүнээс хүнд халддаг болохыг баталснаа мэдэгдсэн юм. Өмнө нь ДЭМБ вирусны эх үүсвэрийг амьтны гаралтай, хүнээс хүнд халдах магадлал бага гэж мэдэгдэж байжээ. Ухань хотод илэрсэн шинэ төрлийн коронавирус нь SARS гэгддэг амьсгалын замын хурц халдварт өвчний вирустэй төстэй байгаа нь аюул дагуулж байна. SARS-ын халдвараар 2002-2003 онд Хятад, Хонг Конгт нийтдээ 650 орчим хүн амиа алдаж байв.

Шинэ коронавирусын халдвар авсан хүний тоо одоо 218, нас барсан хүний тоо гурав болоод байгаа бөгөөд Бээжин, Шанхай зэрэг том хотуудад анхны тохиолдол бүртгэгдээд байна. Хятадад сар шинийн баяр эхэлж байгаатай холбоотой хүн амын шилжилт хөдөлгөөн тархалтыг улам эрчимжүүлэх аюултай байгаа юм. Өчигдөр бас Өмнөд Солонгост анхны халдвар илэрсэн бол өнгөрсөн долоо хоногт Япон, Тайланд улсуудад илэрсэн байна.

Холбоотой мэдээ

УГТЭ хүүхдийн бүх төрлийн зүрх, судасны мэс заслыг ЭМД-аар үнэ төлбөргүйгээр хийж байна | DAAM.MN

Улсын Гуравдугаар Төв эмнэлгийн Хүүхдийн зүрх судасны мэс заслын баг нь хүүхдийн зүрх судасны мэс за

26/10/2021

С.Энхболд: ЭМ-ийн салбарын нийт ажилчдын цалинг 20 хувиар нэмэх боломжтой | DAAM.MN

Эрүүл мэндийн сайд С.Энхболд цаг үеийн асуудлаар мэдээлэл өглөө. Тэрээр " Салбарын ажилчдын цалин

26/10/2021

Шинээр 1231 тохиолдол бүртгэгдэж, 11 хүн энджээ | DAAM.MN

Сүүлийн 24 цагийн хугацаанд улсын хэмжээнд нийт 1231 хүнээс халдвар илэрсэн ба үүний 739 нь Ул

26/10/2021