Хятад иргэнийг нууцаар хил давуулаад баригджээ | DAAM.MN

04/05/2021 1368

Өмнөговь аймаг дахь хилийн 0166 дугаар ангийн хариуцсан … дугаар тэмдэгтээр манай талаас дөрөвдүгээр сарын 10-11-нд шилжих шөнө 2-3 хүн БНХАУ руу нууцаар явсан мөр байхыг хилийн манааныхан олжээ. Хил зөрчигчдийн мөрийг 11-ний өглөө хилчид илрүүлэн ангийн штабтаа мэдээ дамжуулсан юм байна. Гэвч тус ангийнхан санаатай юу, санамсаргүй байдлаар уу, 14.30 цаг өнгөрч байхад хил зөрчсөн мөр илрүүлсэн хэмээн ХХЕГ-таа мэдээ хүргүүлсэн гэнэ. Түүгээр ч зогсохгүй нэг хүн хил давж БНХАУ-ын талд баригдчихаад байхад “Хил зөрчөөгүй, торон сааданд тулаад буцсан мөр олдсон” хэмээсэн сурагтай.

Орон нутгийн хууль сахиулах байгууллагынхны мэдээлснээр гурван хүн шөнө хилийн торон хаалтад тулж очоод нэг нь цааш явж дөрөвдүгээр сарын 11-ний 01.00 цагийн үед БНХАУ-ын хилчдэд саатуулагдсан. Тэд заль мэх хэрэглэж, хоёулаа явж буй мэт мөр үлдээсэн байв. Манай улсын харьяат хоёр хүн өмнөд хөршийн иргэнийг хууль бусаар хил давуулсан нь шалгалтын явцад тогтоогдож, тухайн хоёр хүнийг маргааш нь олж саатуулан шалгаж буй аж. Үүнтэй холбоотойгоор хилийн 0166 дугаар ангийн захирагч, хурандаа Б.Мөнхбатыг ажлаас нь чөлөөлсөн гэнэ.

ХХЕГ-таа мэдээллийг үнэн бодитоор өгөөгүй, хил зөрчигчдийг хайх ажлыг удирдаж оролцоогүй, хаана байгаа нь тодорхойгүй байсан гэх шалтгаанаар түүнд ийнхүү хариуцлага тооцжээ. Магадгүй хил зөрчигчидтэй хуйвалдсан ч юм бил үү гэсэн хардлага хууль сахиулах байгууллагынхны дунд байгаа бөгөөд хамтатган шалгаж болзошгүй гэсэн мэдээлэл бидэнд өглөө.

Холбоотой мэдээ

Төрсөн дүүгээ хөнөөсөн этгээдэд бүх насаар нь хорих ял оноолоо | DAAM.MN

Чингэлтэй дүүрэгт оршин суух иргэн С.Ганболд нь 2020 оны арвандүгээр сарын 02-ны орой өөрийн төрсөн

18/05/2021

Төв талбай дээр өөрийгөө шатаасан иргэний хэргийг хаажээ | DAAM.MN

Хоёрдугаар сарын 8-ны өдөр Сүхбаатарын талбайд нэгэн иргэн өөр дээрээ бензин асгаж, шатаасан хэрэг г

18/05/2021

Шинэ цэргүүдийг дэглэсэн хугацаат цэргийн алба хаагчдад зургаан сар хорих ял оноов | DAAM.MN

Өнгөрсөн хоёрдугаар сард цэргийн алба хаагчид нэгнээ шийтгэн, дээрэлхэж, доромжилж буй бичлэг цахим

18/05/2021