Энэтхэг улс COVID-19-ийн эмийг хэрэглээнд гаргажээ | DAAM.MN

18/05/2021 99
ШИНЭ ДЕЛИ. /Xinhua/. Энэтхэгийн Засгийн газар коронавирусний халдвар авсан хүмүүсийн эмчилгээнд ашиглах шинэ эмийн эхний багцыг хэрэглээнд нэвтрүүлжээ.
“2-дезокси-D-глюкоз” (2-DG) хэмээх уг эмийг Энэтхэгийн Цөмийн анагаах ухааны хүрээлэн (INMAS) болон Батлан ​​хамгаалахын судалгаа, хөгжлийн байгууллагын (DRDO) лабораторийнхон Хайдарабад хотын “Dr. Reddy’s Laboratories” эмийн үйлдвэртэй хамтран гарган авсан бөгөөд онцгой байдлын үед ашиглах эмийн жагсаалтад саяхан бүртгэсэн байна.
Эмийн эхний багцыг тус улсын Батлан хамгаалахын сайд Ражнатх Сингх нийслэл Шинэ Дели хотод Эрүүл мэндийн сайд Харш Вардханд гардуулан өгчээ.
Энэтхэгт коронавирусний цар тахлын байдал сүүлийн хэдэн долоо хоногт эрс хүндрээд байгаа билээ. Тус улс коронавирусний халдварын тархалтын үзүүлэлтээр АНУ-ын дараа хоёрдугаарт орж байгаа юм. Халдварын хоёр дахь давлагааг Энэтхэгт тархсан “B.1.167” хувилбар үүсгэсэн гэж мэргэжилтнүүд үзэж байна.
Энэтхэгт халдвар авсан нийт хүний тоо 24 965 463-т хүрч, 274 400 өвчтөн нас барсан бол 21.1 сая хүн эдгэрчээ.

Холбоотой мэдээ

Нью-Йоркод рок хамтлагийн тоглолтыг 20 мянган хүн маскгүй үзжээ | DAAM.MN

Америкийн алдарт рок хамтлаг "Foo Fighters" өнгөрсөн долоо хоногт Нью-Йорк хотын Мадисон цэнгэлдэх

22/06/2021

Өнөөдөр эмэгтэйчүүд дотоож өмсдөггүй өдөр | DAAM.MN

Өнөөдөр буюу зургадугаар сарын 22-нд зарим орны эмэгтэйчүүд дотоож өмсдөггүй юм байна. Тухайлбал

22/06/2021

Хятад криптовалютад тавих хяналтаа чангатгана | DAAM.MN

Хятадын Засгийн газраас криптовалютад тавих хяналтаа чангатгаж банк болон төлбөрийн платформуудыг ди

22/06/2021