МҮБХ Н.Батсуурь нарын шийтгэлийг хүлээн зөвшөөрөхгүй гэлээ | DAAM.MN

18/05/2021 308

Монголын үндэсний бөхийн холбоо (МҮБХ)-ноос өчигдөр Монгол Улсын Ерөнхийлөгчид хандаж 2019 оны наадмаар барилдахдаа допинг хэрэглэсэн нь тогтоогдсон Улсын аварга Э.Оюунболдод унасан бөхчүүдэд цол олгох асуудлыг шийдэж өгөхийг хүссэн билээ.

Тэгвэл өнөөдөр 2020 оны наадмаар допинг хэрэглэсэн нь тогтоогдсон ч бусад бөхчүүдтэй харьцуулахад хугацааны хувьд бага шийтгэлтэй үлдсэн Улсын аварга, Н.Батсуурь, Улсын арслан Пүрэвдагва, Улсын харцага Б.Бат-Орших нарын асуудлыг эргэн харж, дахин хуралдахыг хүссэн албан бичгийг Үндэсний их баяр наадмын Үндэсний бөхийн салбар хорооны дарга, ХЗДХЯ-ны Төрийн нарийн бичгийн дарга Б.Баасандоржид хүргүүлжээ.

Тэд Үндэсний бөхийн салбар хороог 2020 оны наадмын допингийн зөрчлийн талаар гаргасан шийдвэрээ дахин хэлэлцэхийг санал болгож байгаа юм. Саналд дараах асуудлыг тусгажээ.


ХУУЛЬ ЗҮЙ ДОТООД ХЭРГИЙН ЯАМНЫ ТӨРИЙН НАРИЙН БИЧГИЙН ДАРГА БӨГӨӨД ҮНДЭСНИЙ БӨХИЙН САЛБАР ХОРООНЫ ДАРГА Б.БААСАНДОРЖ ТАНАА

Санал хүргүүлэх тухай

Монголын үндэсний бөхийн холбооны Цэцдийн зөвлөлийн хурал буюу Бага хурал 2021 оны тавдугаар сарын 15-ны өдөр хуралдсан бөгөөд хуралд оролцсон гишүүдийн 100%-ийн саналын дагуу энэхүү албан бичгийг хүргүүлж байна.

Удахгүй болох Ардын хувьсгалын түүхт 100 жилийн ойн баяр наадмын өмнө МҮБХ-ноос допингтой холбоотой асуудлуудыг цэгцлэн, маргаан будлиангүй наадмыг зохион байгуулахыг эрмэлзэж байна.

Үндэсний бөхийн салбар хороо 2020 оны аравдугаар сарын 20-ны өдөр хуралдан 2020 оны Улсын баяр наадамд сэргээшийн шинжилгээнд зөрчил гаргасан улсын аварга Н.Батсуурь, арслан Р.Пүрэвдавга, харцага Б.Бат-Орших нарын асуудлыг хэлэлцэн, олонхийн саналаар 11 сараар барилдах эрхийг хасах шийдвэрийг гаргасан. Энэ нь МҮБХ-ны 2017 онд баталсан Допингийн эсрэг журмыг зөрчсөн, мөн өмнөх жилүүдэд ажиллаж байсан Бөхийн салбар хорооны 2018, 2019 онд допингийн зөрчил гаргасан бөхчүүдэд оногдуулж байсан хариуцлага зэргээс ухарсан, шударга бус шийдвэр болсон.

Дээрх шийдвэр нь монгол бөхөд маш их хор нөлөөтэй шийдвэр гэдгийг та бид сайн мэдэж байгаа бөгөөд олонхийн саналаар шийдвэрлэсэн гэх шийдвэрээ эргэн харж, шударга шийдвэр гаргахаар салбар хороогоо хуралдуулахыг хүсье.

Хэрэв дээрх гаргасан шийдвэрээ өөрчлөхгүйгээр ҮИБНЗБХороогоор хэлэлцүүлэн бөхчүүд, тамирчдын шударга, тэгш байдал, үндэсний бөх, спортын мөн чанарыг үгүйсгэсэн шийдвэрийг эцэслэн батлуулвал Ардын хувьсгалын түүхт 100 жилийн ойн наадмыг зохион байгуулахад нэн хүндрэлтэй байдал үүсэхээр байна.

Бөхийн салбар хороо нь 1990 оноос баяр наадмын бөхийн барилдааныг МҮБХ-той хамтран зохион байгуулж ирсэн ба одоо допингийн хэрэг нийт бөхчүүдэд хамааралтай маш эмзэг асуудал болж байгаа бөгөөд таны даргалж байгаа салбар хороо тун хариуцлагатай цаг үед ажиллаж байгааг анхааран, шударга шийдвэр гаргахыг хичээн ажиллана уу.

ТЭРГҮҮНИЙ ҮҮРГИЙГ ГҮЙЦЭТГЭГЧ Ц.МАГАЛЖАВ

Холбоотой мэдээ

Р.Булгамаа: Өндөр настанг хүлээж аваад уулзчих сэтгэлтэй хүн Төрийн ордонд алга уу | DAAM.MN

Өндөр настанг хүлээж аваад уулзчих сэтгэлтэй хүн Төрийн ордонд байна уу Төрийн ордоны баруун талы

22/06/2021

Б.Энхбаяр: Ковидийг зарим дарга нар авилга, албан тушаалаа ахиулах, баяжих сэдэл, дадалтай болж | DAAM.MN

Аюулгүй байдал, гадаад бодлогын байнгын хорооны хуралдаанаар Цар тахлын тухай хуульд нэмэлт, өөрчлөл

22/06/2021

С.Энхболд: Өмнө нь нэг хүний тариф дөрвөн сая байсан бол шинэчлэгдсэн тарифаар 7.7 сая болсон | DAAM.MN

Бид ковидын үеийн эмчилгээний эмүүдийг Эрүүл мэндийн даатгалын санд багтаах хөнгөлөлтийг эдлэх болом

22/06/2021