Энэ сарын 7-ноос хоёрдугаар сарын 11-ны хооронд коронавирусын 86 сэжигтэй тохиолдол илэрчээ

11/02/2020 374

Эрүүл мэндийн яам, Хил хамгаалах ерөнхий газар, ДЭМБ-ын Монгол дахь Суурин төлөөлөгчийн газар болон МХЕГ хамтран халдварын нөхцөл байдлын талаар мэдээлэл хийлээ. 

Нэгдүгээр сарын 7-ноос хоёрдугаар сарын 11-ны хооронд 86 сэжигтэй тохиолдол илрүүлсний 

  • 66 нь Буянт Ухаа боомт дээр, 
  • 5 нь Замын-Үүдийн боомт, 
  • 3 сэжигтэй тохиолдлыг Хавиргын боомтоор илрүүлсэн. 
  • Өчигдөр нэмж 12 сэжигтэй тохиолдлыг Гашуунсухайт боомт дээр илрүүлж, шинжилгээний сорьцыг ХӨСҮТ рүү явуулж, шинжилгээнд өгчээ. 

Улсын ахлах байцаагч Т.Төмөрбаатар “Монгол Улсын иргэдийг БНХАУ руу дипломат болон эрүүл мэндийн шалтгаанаар явахыг зөвшөөрч байгаа. Гэвч иргэд тус улсын эрүүл мэндийн байгууллагад хандах эсэхээ сайтар бодолцож үзээрэй. Урд хөршийн эмнэлгүүд маш их ачаалалтай ажиллаж байгаа, тэр хэрээр эрсдэл өндөр байна. Тиймээс зайлшгүй шаардлагатай биш бол аль болохоор тус улсад зорчихгүй байхыг зөвлөе. 

Бид 26 боомтоос мэдээллээ авч байна. Хамгийн ачаалалтай байгаа нь Замын-Үүд болон Буянт-Ухаа боомт. Оросод хоёр тохиолдол илэрсэн тул Алтанбулаг боомтоор Оросоос орж ирж байгаа болон Орос руу явж байгаа иргэдэд хяналт тавьж байна. 

Мэргэжлийн байгууллагууд хамтран дөрөв дэх удаагаа эрсдлийн үнэлгээг хийхэд өндөр эрсдэлтэй гэж тодорхойлогдсон” гэлээ. 

ХХЕГ-ын Хилийн боомтын аюулгүй байдал, шалган нэвтрүүлэх газрын дарга, хурандаа Ц.Мягмардорж: “Өчигдөр Гашуунсухайт боомтоор Хятадын Ганц мод боомтод байсан 27 иргэнийг зохион байгуулалттайгаар тээвэрлэж авчирсан. Үүний 16-нь тээврийн жолооч.

Үүн дээр бичиг баримтаа гээгдүүлсэн манай улсын долоон иргэн тус боомтод байсан бөгөөд Хөх хот дахь Ерөнхий консул буцах үнэмлэх олгосныг үндэслэн хилээр нэвтрүүлсэн. Мөн нутгийн гүнээс дөрвөн иргэн ирсэн. Ингээд 11 зорчигч, 16 жолоочийг зохион байгуулалттайгаар тээвэрлэж авчирсан” гэдгийг хэллээ.

Холбоотой мэдээ

С.Бат-Эрдэнэ: 29 дүгээр сургуулийн Н.Оюунсувд захирал авлигын хэрэгт холбогдсон ч яагаад буцаад ирснийг мэдэхгүй | DAAM.MN

Сонсголын Бэрхшээлтэй Хүүхдийн 29-р тусгай сургуулийн захирал ажилчдаа хууль бусаар халж байгаа тала

18/05/2022

Зам тээврийн ноцтой осол гарч хоёр иргэн газар нээрээ нас баржээ | DAAM.MN

Баянзүрх дүүргийн нутаг дэвсгэрт ноцтой зам тээврийн осол гарлаа. Тодруулж хэлбэл, тус дүүргийн 23-р

18/05/2022

Хүнс үйлдвэрлэгчид урт хугацаатай, хүү багатай зээлийн дэмжлэг хүсэж байна | DAAM.MN

Монгол Улсын Ерөнхийлөгч У.Хүрэлсүх Дархан-Уул аймгийн Орхон суманд ажиллаж, төмс, хүнсний ногоо тар

18/05/2022