Тавгийн идээ буулгалаа гэж хадам ээжийнхээ хөлийг сүхджээ| ДААМ.МН

03/03/2020 1968

Энэ жилийн цагаан сараар гэмт хэрэг харьцангуй бага гарсан тухай цагдаагийн байгууллагын мэдээлэлд дурдаж байсан. Гэвч, өнгөрөгч сарын 29-нд буюу шинийн дөрвөнд иргэн Б согтууруулах ундаа хэрэглэсэн үедээ хадам ээжийнхээ хөлийг сүхээр цохиж, гэмтэл учруулсан хэрэг гарчээ. Хэрэг үйлдсэн этгээд тухайн өдөр ажил тарсны дараа ганцаараа архи ууж, гэртээ согтуу харьсан байна. Тэрбээр гэртээ ирэхэд эхнэр болон хадам ээж нь сар шинийн тавгийн идээгээ буулгасан байжээ. Үүнээс хэрүүл маргаан эхэлсэн гэж мэдүүлсэн гэнэ. Мөн архи ууснаар биеэ хянах чадвараа бүрэн алдсан учир цаашид ямар үйлдэл хийснээ санахгүй байгаа бөгөөд өглөө архи гарах үед хэрэг үйлдсэнээ эхнэрээсээ сонссон гэж мэдүүлжээ.

Ёс бус үйлдлийн хохирогч болсон хадам эх нь одоогоор Ховд аймагт хэвтэн эмчлүүлж байгаа талаар албаны эх сурвалж мэдээлсэн.

Ховд аймаг дахь Цагдаагийн газарт энэ оны хоёрдугаар сарын 28-ны өдрийн байдлаар 19 гомдол мэдээлэл хүлээн аваад байгаа бөгөөд үүний 16 нь согтууруулах ундааны зүйл хэрэглэснээс үүдэлтэй үйлдэгджээ. Согтуугаар тээврийн хэрэгсэл жолоодсон найм, бусдын амгалан тайван байдал алдагдуулсан, хэрүүл маргаан үүсгэсэн зургаа, олон нийтийн газар биеэ зүй бус авч явсан хоёр хэрэг зөрчил илэрсэн аж. Иргэдийг согтууруулах ундааны зүйл хэрэглэхээс татгалзаж, хэрэг, зөрчил гаргахгүй байх, болзошгүй эрсдэлээс өөрийгөө болон бусдыг хамгаалахыг Ховд аймаг дахь Цагдаагийн газраас уриаллаа.

Холбоотой мэдээ

Зочид буудлууд 89.4 тэрбумын алдагдал хүлээсэн. Иймд үл хөдлөх хөрөнгийн татварыг тэглэж өгнө үү | DAAM.MN

Монгол Улсын Ерөнхий сайд Л.Оюун-Эрдэнэ өнөөдөр /2021.02.25/ аялал жуулчлалын салбарынхантай уулзаж

25/02/2021

Захидал: Эрхэмсэг ноён Наредра Моди танаа. Миний бие анхны тунг хийлгэснийг танд сонордуулахдаа таатай байна | DAAM.MN

Монгол Улсын Ерөнхий сайд Л.Оюун-Эрдэнэ БНЭУ-ын Ерөнхий сайд Н.Модид захидал илгээв. БҮГД НАЙ

25/02/2021

Өнөөдөр 32 хүнээс шинээр халдвар илэрч, нийт батлагдсан тохиолдол 2,755 боллоо | DAAM.MN

Эрүүл мэндийн яамнаас короавируст халдварын нөхцөл байдлын талаар мэдээлэл хийж байна. Өчигдөр ул

24/02/2021