Шатахууны үнэ нэмэгдэхгүй гэв | DAAM.MN

15/09/2021 274

АМГТГ-ын Газрын тосны асуудал хариуцсан орлогч дарга Ц.Эрдэнэбаяр:

–Газрын тосны бүтээгдэхүүний гол нийлүүлэгч нь ОХУ-ын “Роснефть” компани үйлдвэртээ жил бүрийн найм, есдүгээр сард урсгал засвар хийдэг. Тус засварын улмаас есдүгээр сард манайд нийлүүлдэг бүтээгдэхүүнийхээ хэмжээг бууруулсан. Үүнтэй холбоотойгоор зөрүүг нь БНХАУ-ын “Чайна Ойл”, “Петро Чайна” зэрэг компаниудаас авахаар Зам тээврийн яам, Гадаад харилцааны яам, Гаалийн ерөнхий газар, Улаанбаатар төмөр зам болон аж ахуйн нэгжүүдтэй хамтран ажиллаж байна.

Өнөөдрийн байдлаар Монгол Улсын хэмжээнд газрын тосны бүтээгдэхүүний нийт нөөц 28 хоног байна. Тухайлбал,

  • АИ-92 шатахуун 21 хоног,
  • Дизель түлш 35 хоног,
  • АИ-80 шатахуун 35 хоногийн нөөцтэй байна.

Хомсдол огт үүсээгүй. Тодорхой хэмжээний нөөц багассан асуудал бол бий. Гэхдээ бид холбогдох арга хэмжээнүүдийг авч байгаа. Тухайлбал зарим шатахуун борлуулагч компанийн нөөц багассан тул бусад байгууллагаас шатахууныг сэлгэх зөөх байдлаар зохицуулалт хийсэн. Мөн үнэ нэмэгдэх ч нөхцөл байхгүй. Өчигдрийн байдлаар нийт 71 шатахуун түгээх станцаас мэдээлэл авахад хотын захын 13 шатахуун түгээх станц худалдаа хийхгүй байгаа гэв.

Монгол Улсад оруулж ирдэг шатахууны гол нийлүүлэгч болох ОХУ-ын компани жил болгон найм болон есдүгээр сард урсгал засварт ордог. Үүнтэй холбоотойгоор тус улсаас нийлүүлдэг шатахууны нийлүүлэлт есдүгээр сард тодорхой хэмжээгээр буурсан. Шатахуун түгээх станцуудад шатахууны үнийг 100 төгрөгөөр буулгах санал хүргүүлээд байна.

Мөн нөөцтэй холбоотойгоор ААН-үүдрүү албан тоот явуулж байгаа. Нөөц багасах, нөөц тасалдах гэдэг хоёр бол ялгаатай асуудал. Хотын захын 13 ШТС худалдаа хийхгүй байгаа. Өнөөдрийн байдлаар МУ-ын хэмжээнд АИ-92 бензиний 21 хоногийн нөөцтэй байгаа бөгөөд тодорхой хэмжээгээр нөөц багассан. Тиймээс аль болох хязгаарлалт тогтоохгүйгээр нөөцийн хэмжээнд байгаа бололцоогоор нь нийлүүлэн ажиллахыг зорин ажиллаж байна. Мөн иргэдийн дунд шатахууны үнэ нэмэгдэнэ гэсэн мэдээлэл явж байгаа бөгөөд энэ нь ташаа мэдээлэл.

ОХУ-ын Роснефть компаниас Монгол Улсын төрийн байгууллагад шатахуун түгээх станц барья гэсэн албан мэдэгдэл ирүүлээгүй. Түүнчлэн Газрын тосны бүтээгдэхүүний тухай хуулийн 7.2-т нийт импортолж буй бүтээгдэхүүний 30-аас дээш хувийг нийлүүлж буй компани жижиглэнгээр худалдаалахыг хориглосон байдаг. Иймд Роснефть компани жижиглэнгийн худалдаа хийх боломжгүй.

Холбоотой мэдээ

“Баян”Базараагийн компанийн хамгаалагч нар иргэд рүү бууджээ | DAAM.MN

Төв аймгийн Заамар суманд үйл ажиллагаа явуулдаг "Баян" Базараагийн мэдлийн компани болох “Бүрдэл ма

08/12/2021

5.6 тэрбумаар “наадсан” Хөгжлийн банкны Н.Мөнхбат хөөн хэлэлцэх хугацаагаар ялаас мултарлаа | DAAM.MN

Хөгжлийн банкны гүйцэтгэх захирал Н.Мөнхбат, Төлөөлөн удирдах зөвлөл (ТУЗ)-ийн дарга Б.Шинэбаатар, т

10/11/2021

ОХУ-д тэтгэлгээр суралцах хүсэлт авах хугацааг ирэх сарын 15-ныг хүртэл сунгав | DAAM.MN

ОХУ-ын Засгийн газрын шийдвэрээр 2022-2023 оны хичээлийн жилд Монгол Улсын 600 иргэнийг тус улсын за

10/11/2021