УОК: Монгол Улс болон ОХУ, БНКУ, БНТУ хоорондын нислэг, төмөр замыг энэ сарын 28-ны өдрийг хүртэл зогсоолоо

11/03/2020 347

Улсын онцгой комиссын 11 дүгээр хуралдаанаар коронавируст халдвар дэлхий дахинд өндөр хурдацтай тархаж байгаатай холбогдуулан Монгол Улс болон Оросын холбооны улс, Бүгд найрамдах Казакстан улс, Бүгд найрамдах Турк улс хоорондын хоёр талт хуваарьт нислэгийг 2020 оны 03 дугаар сарын 11-ний өдрийн 12:00 цагаас 03 дугаар сарын 28-ны өдрийг дуустал, төмөр замын олон улсын зорчигч тээврийн хөдөлгөөнийг 03 дугаар сарын 10-ны өдрөөс 03 дугаар сарын 28-ны өдрийг хүртэл зогсоолоо.

Монгол, Оросын хилийн автозамын боомтуудаар ОХУ руу зорчих Монгол Улсын иргэд болон ОХУ-аас Монгол Улс руу зорчин ирэх гадаадын иргэн, харьяалалгүй хүний хөдөлгөөнийг 2020 оны 03 дугаар сарын 11-ний өдрийн 20:00 цагаас 03 дугаар сарын 31-ний өдрийг хүртэл мөн хязгаарлалаа.

Түүнчлэн коронавируст халдвар тархахаас урьдчилан сэргийлэх зорилгоор 2020 оны 03 дугаар сарын 30-ны өдрийг дуустал хугацаанд жирэмсэн болон 0-12 насны хүүхэдтэй эмэгтэй ажилтан, алба хаагчийг гэрээсээ ажиллах нөхцөл боломжоор хангах, цалинтай чөлөө олгох арга хэмжээ авч ажиллахыг төрийн болон нутгийн захиргааны байгууллага, аж ахуйн нэгж, хуулийн этгээдийн удирдлагад даалгалаа гэж Онцгой байдлын ерөнхий газраас мэдээллээ.

Холбоотой мэдээ

 Сэлэнгэ аймагт 4.0 магнитудын хүчтэй газар хөдөлжээ | DAAM.MN

 Сэлэнгэ аймгийн Ерөө сумын Буургачин багийн “Бөхлөө” гэдэг газар /аймгийн төвөөс зүүн урд зүгт 159

20/05/2022

М.Оюунчимэг: Банкны шалгуур өндөр байгаа тул иргэд ББСБ-аас хугацаа богино ч хүү өндөртэй зээл авч байна | DAAM.MN

УИХ-ын чуулганы өчигдрийн нэгдсэн хуралдаанаар УИХ-ын гишүүн М.Оюунчимэг нарын дөрвөн

20/05/2022

Ерөнхий сайд Л.Оюун-Эрдэнэ АНУ-ын Элчин сайдыг хүлээн авч уулзлаа | DAAM.MN

Монгол Улсын Ерөнхий сайд Л.Оюун-Эрдэнэ АНУ-аас Монгол Улсад суугаа Онц бөгөөд Бүрэн эрхт Элчин сайд

20/05/2022