Гаалийн 46 үйлчилгээг цахимаар авах боломжтой | DAAM.MN

01/10/2021 341

Гаалийн мэдээллийн автомат системийн шинэчлэлийн ажлыг Азийн хөгжлийн санхүүжилтээр хийж байгаа юм. Энэ хүрээнд гаалийн цахим үйлчилгээний систем GAALI.MN-ыг өнөөдрөөс ашиглалтад оруулжээ. Тус систем нь Гаалийн бүрдүүлэлт, цахим төлбөр тооцоо, лавлагаа тодорхойлолт, хүсэлт шийдвэрлэх, зөвшөөрөл, статистик мэдээлэл гэсэн зургаан бүрэлдэхүүнтэй. Ингэснээр гаалийн байгууллагын иргэдэд хүргэдэг 13, аж ахуйн нэгжид хүргэдэг 33 үйлчилгээг цахимаар авах боломжтой болжээ. Тусгай эрх, код авах шаардлагагүй шууд үйлчлүүлэх боломжтой бөгөөд иргэдийн хамгийн ихээр авдаг гаалийн зөрчлийн мэдээлэл лавлагааг цахимаар олгож эхэлжээ. Мөн хувь хүн болон аж ахуйн нэгж гаалийн мэдүүлэг өгөх, экспорт, импортын барааны зөвшөөрлийн явцын мэдээллийг мөн харах боломжтой. Түүнээс гадна гаалийн статистик мэдээлэл буюу бараа эргэлт, гол нэрийн бараа бүтээгдэхүүний тоон мэдээлэл зэргийг авч болох юм байна.

Гаалийн байгууллагын үйлчилгээг цахимаар авдаг болсноор иргэдийн болон байгууллагын цаг хугацаа, зардлыг хэмнэхээс гадна авлигал хүнд суртал, ашиг сонирхлын зөрчлийг арилгана. Түүнчлэн нэвтрэхэд өөрийн нэр дээр байгаа гар утасны дугаараар болон интернет банкны эрхээр нэвтэрч болно гэж Гаалийн ерөнхий газраас мэдээллээ.

Холбоотой мэдээ

ОХУ-аас импортолж буй эрчим хүчний төлбөрийн алдагдлыг хэрхэн шийдвэрлэх талаар судлахыг даалгажээ | Даам.мн

Эрчим хүчний салбарын 2022-2023 оны өвөлжилтийн бэлтгэл хангах ажлын гүйцэтгэлийг хэлэлцээд бэлтгэл

20/07/2022

ll улирлын НӨАТ-ын буцаан олголтоороо хөрөнгийн татваруудаа төлөх боломжтой боллоо | Даам.мн

2022 оны ll улирлын НӨАТ-ын буцаан олголтоороо хөрөнгийн татваруудаа төлөх боломжтой болсон байдаг.

20/07/2022

Монгол улсын заан Н.Жаргалбаяр, ЗД-ын орлогч Н.Энхбат нарт хэрэг бүртгэлтийн хэрэг нээсэн байна | Даам.мн

Монгол Улсын заан Н.Жаргалбаяр, Өмнөговь аймгийн Засаг даргын орлогч Н.Энхбат нарыг АТГ-аас шалгаж э

20/07/2022