Домогт Битлз хамтлагийг тараасан хүн хэн бэ | DAAM.MN

11/10/2021 539

Их Британийн домогт хамтлаг Битлзийг тарахад хэн буруутай талаар маргаан олон жил үргэлжилж ирсэн юм.

Ихэнх хүмүүс үүнд хамтлагийн гишүүдийн нэг Пол Маккартнийг буруутай гэж үздэг. Харин тэр өөрөө энэ онолыг няцаасаар ирсэн юм.

Тэгвэл тэрбээр өчигдөр BBC Radio 4 сувгийн “This Cultural Life” хөтөлбөрт оролцохдоо хамтлагийг тараасан буруутан нь талийгаач Жон Леннон болохыг дахин баталжээ.

“Задралыг эхлүүлсэн хүн нь би биш. Манай Жонни байсан юм” гэж Маккартни ярьсан байна.

Тухайн үед Битлз хамтлаг бизнесийн олон гэрээ хэлцэл хийж байсан тул хэсэгтээ хамтлаг тарах талаар ярилгүй нууцлахыг менежэр нь гишүүдээс гуйж байжээ. Үүнээс болоод хамтлаг тарахад хэн буруутай талаар зөрүүтэй ойлголтууд бий болсон тухай Маккартни ярьсан байна.

Хөтлөгч Маккартнигаас яагаад хамтлагаа тараах шийдвэр гаргасныг асуухад тэр “Би хамтлагийг тараасан хүн биш. Огт биш. Жон нэг өдөр орж ирээд “Би Битлзээс гарлаа” гэж хэлсэн. Үүнийг задралын эхлэлийг тавьсан гэж хэлж болох уу? Үгүй юу?” гэж хариулжээ.

Тэрбээр ид үедээ байсан Битлзийг тарсанд харамсаж явдгаа хэлээд “Энэ бол миний хамтлаг, миний ажил, амьдрал байсан учраас би уран бүтээлээ үргэлжлүүлэхийг хүсч байсан” гэсэн байна.

Пол Маккартнигийн BBC Radio 4 сувагт өгсөн ярилцлага аравдугаар сарын 23-нд бүрэн эхээрээ цацагдах ажээ. Найруулагч Питер Жэксоны бүтээл “The Beatles: Get Back” нэртэй баримтат кино арваннэгдүгээр сард Disney+ стриминг сүлжээгээр цацагдах юм.

Зургаан цаг үргэлжлэх энэхүү бүтээлд Битлз хамтлагийн тарахаас өмнөх үйл явдлуудыг түүхчлэн үзүүлэх ажээ.

 

Эх сурвалж: Associated Press

 

Холбоотой мэдээ

“Ханжоу-2022” Азийн 19 дүгээр наадам КОВИД-19 цар тахлын улмаас хойшлогдлоо | Даам.мн

БНХАУ-ын Ханжоу хотноо 2022 оны есдүгээр сард зохион байгуулагдах байсан Азийн 19 дүгээр наадам КОВИ

20/07/2022

“Мөсний ханхүү” гэгддэг 28 настай тамирчин 23 нас хүртлээ дэлхийн рекордыг 12 удаа эвдэж байсан Ханю Юзүрү өчигдөр зодог тайллаа | Даам.мн

Олимпын хошой алтан медальт, Японы уран гулгалтын супер од Ханю Юзүрү өчигдөр зодог тайлж буйгаа зар

20/07/2022

Хүлээлэгдгээрээ алдартай ОХУ-ын ерөнхийлөгчийг Туркын ерөнхийлөгч багагүй хугацаанд хүлээлгэн шоконд орууллаа | Даам.мн

Өчигдөр Ираны нийслэл Тегеран хотод ОХУ, Туркийн ерөнхийлөгч нар уулзах үеэр нэгэн сонирхолтой зүйл

20/07/2022