АН-ын бүлэг Төрөөс 2022 онд баримтлах мөнгөний бодлогын талаар мэдээлэл сонслоо | DAAM.MN

11/10/2021 436

 УИХ дахь Ардчилсан намын бүлгийн өнөөдрийн хуралдаанаар, Төрөөс мөнгөний бодлогын талаар 2022 онд баримтлах Үндсэн чиглэл батлах тухай УИХ-ын тогтоолын төслийг хэлэлцлээ.

Монголбанкны ерөнхийлөгч Б.Лхагвасүрэн, Төрөөс мөнгөний бодлогын талаар баримтлах Үндсэн чиглэлийн талаар танилцуулга хийсэн. Тэрээр, өмнөх онд 5.6 хувиар агшаад байсан эдийн засаг энэ оны эхний хагас жилийн байдлаар 6.3 хувиар өссөн. Инфляцийн төвшин 8.9 хувьтай байгааг дуулгав.

Мэдээлэлтэй холбоотой гишүүд дараахь байр суурийг илэрхийллээ. Тухайлбал, УИХ-ын гишүүн Д.Ганбат, “Эдийн засгийн маш өөдрөг төсөөлөлтэй байгаа ч банканд хүндрэл гарч болзошгүйг сануулав. Мөн хэд хэдэн банканд Бүрэн эрхт төлөөлөгч ажиллаж байгааг дурдаад, ажлын явц ямар байгааг лавлаж байв. Гадаад валютын нөөц эрчтэй буурсан ч таатай нөхцөл нь нүүрсний үнэ байгааг тэмдэглэж, энэ үнийн өсөлтийг ашиглах шаардлагатайг онцлов.

УИХ-ын гишүүн Ц.Туваан, Дээрх тооцооллыг бодитой эсэхэд эргэлзэж байгаагаа илэрхийлж, дэлхийд зээлийн өндөр хүүтэй манай банкууд үнэт цаас худалдаж аваад эрсдэлгүй ажиллах боломжтой эсэхийг сонирхож байв. УИХ-ын гишүүн

УИХ-ын гишүүн Н.Алтанхуяг, цаасан мөнгө хэвлэх ажилд хяналт тавьж ажиллахыг захиад, экспортыг дэмжихэд Монголбанк санаачилгатай ажиллахыг санууллаа. Валютын орлого оруулж дотоодын жижиг компаниудыг дэмжих хэрэгтэйг хэлж байлаа. Мөн УИХ-ын гишүүн Б.Бейсен, малчдаас зөвхөн түүхий эд бэлдэж авах биш, боловсруулах үйлдвэр барих чиглэлд дэмжих хэрэгтэй гэсэн санал хэлэв.

УИХ-ын гишүүн Б.Пүрэвдорж, “Бодлогын хүү тогтвортой буурч байгаа нь зөв. Он гараад нэг хэсэг бизнес зогсонги байдалд ордог. Тэр үед нь дахин нэг функт буулгавал бүр сайн. Банкны үнэт цаас буцаад өссөн нь 10 их наяд төгрөгийн хөтөлбөр “бай”-гаа оноогүйг илтгэж байна. Жижиг аж ахуйн нэгжүүд авч чадахгүй байна. Албан тушаалтнууд өөрийн компаниар дамжуулж аваад шууд хадгаламж болгосон. Тэдэнд зарцуулах шаарлага алга. Энэ хөтөлбөрийг зогсоо гэж байгаа юм биш, оновчтой хүртээмжтой болгох хэрэгтэй. Ажлын байр хадгалах гээд зээл өгөхөөр буцаад банкинд ороод ирлээ. Тэгэхээр цаашид хөрөнгө оруулалтын зээл болгож өөрчилбөл зүгээр. Ипотекийн зээлийн санхүүжилтыг Засгийн газраас олгоно гэж байгааг би дэмжихгүй. Засгийн газар өгч эхэлбэл авлигын сүлжээ болно. Танайх өгдөг хэвээрээ байвал дэмжинэ. Иргэд хил нээвэл гадагшаа явахын хүслэн болсон энэ үед хил нээгдмэгц ханш унана. Үүнийг эртнээс тооцохгүй бол асуудал үүснэ шүү” гэлээ.

Холбоотой мэдээ

Арилжааны банкууд цэцэрлэгийн барилга барихад хөнгөлөлттэй зээл олгох боломжийг судална | Даам.мн

Боловсролын салбарын цахим шилжилт, төсөв, санхүүгийн шинэчлэлийн хүрээнд Боловсрол, шинжлэх уха

01/07/2022

Хү (THE HU) хамтлаг Ардтай хамтран тоглолт зохион байгуулна | Даам.мн

Хү (The Hu) хамтлаг нь 2019 онд гаргасан Гэрэг цомгоороо 2 долоо хоногийн дотор биллбоардын World Al

01/07/2022

“Монгол дархан-2022” үзэсгэлэнд 100 гаруй уран дархны 150 гаруй бүтээлийг толилуулж байна | Даам.мн

Ерөнхийлөгчийн Тамгын газар, монгол уран дархны “Түмэн эрдэнэс” нэгдсэн холбоо хамтран “Монгол дарха

01/07/2022