ИТАЛИ УЛСАД КОРОНАВИРУСЫН ТАРХАЛТ АЮУЛЫН ХАРАНГА ДЭГДЭЭЖ БАЙНА |ДААМ.МН

22/03/2020 563

Сарын өмнө анхны коронавирусийн халвдар бүртгэгдэж байсан Итали улсад Баасан гарагт 627 өвчтөн нас барсан нь нэг өдөрт хамгийн олон хүний амь эндсэн тохиолдол болж байсан билээ.

Тэгвэл энэ тоо Бямба гарагт дахин нэмэгдэж, 793 хүн нас баржээ.

Нэгдсэн дүнгээр Итали улсад Covid-19 өвчнөөр 4,825 хүн нас бараад байгаа нь дэлхийн аль ч улс оронд байхгүй муу үзүүлэлт болж байна.

Бас шинэ халдварын тохиолдол өчигдөр тус улсад огцом нэмэгджээ.

Баасан гарагт нийт тохиолдлын тоо 47,021 байсан бол Бямба гарагт 53,578 болж нэмэгдсэн байна.

Харьцуулбал коронавирусийн дэгдэлт анх үүссэн Хятад улсад өнөөдрийн байдлаар нийт 81,008 хүн халдвар авч, 3,255 өвчтөн нас бараад байгаа юм. Энэ эрчээрээ Итали улс илэрсэн халдварын тоогоор Хятад улсыг гүйцэж түрүүлэх магадлал өндөр байна.

Италийн хамгийн хүнд нөхцөлд байгаа муж болох Милан хотыг багтаадаг Ломбардид 25,515 халдварын тохиолдол бүртгэгдэж, 3,095 хүн нас барсан байна.

Өчигдөр тус мужийн захирагч Аттилио Фонтана зайлшгүй хангамжийн сувгуудаас бусад бүх бизнесийн үйл ажиллагааг зогсоох шийдвэр гаргажээ.

Иргэдэд гэрээсээ гадагш гарахыг хориглож, задгай орчинд ганцаар биеийн тамирын дасгал хийхийг ч зөвшөөрөхгүй байна.

Италийн Serie A хөлбөмбөгийн лигийн аварга Ювентус клубын захиргаа Аргентины довтлогч Пауло Дибала коронавирусийн халдвар авсныг өчигдөр зарлажээ. Ингэснээр тэр аюулт өвчний халдвар авсан хамгийн дээд зэрэглэлийн тоглогч болж байна.

Эх сурвалж: Reuters

Холбоотой мэдээ

 Сэлэнгэ аймагт 4.0 магнитудын хүчтэй газар хөдөлжээ | DAAM.MN

 Сэлэнгэ аймгийн Ерөө сумын Буургачин багийн “Бөхлөө” гэдэг газар /аймгийн төвөөс зүүн урд зүгт 159

20/05/2022

М.Оюунчимэг: Банкны шалгуур өндөр байгаа тул иргэд ББСБ-аас хугацаа богино ч хүү өндөртэй зээл авч байна | DAAM.MN

УИХ-ын чуулганы өчигдрийн нэгдсэн хуралдаанаар УИХ-ын гишүүн М.Оюунчимэг нарын дөрвөн

20/05/2022

Ерөнхий сайд Л.Оюун-Эрдэнэ АНУ-ын Элчин сайдыг хүлээн авч уулзлаа | DAAM.MN

Монгол Улсын Ерөнхий сайд Л.Оюун-Эрдэнэ АНУ-аас Монгол Улсад суугаа Онц бөгөөд Бүрэн эрхт Элчин сайд

20/05/2022