• 2020-04-03
  • 2779.01 USD

“West Nile”, SARS вирусийг судлахад гол үүрэгтэй оролцсон эрдэмтэн Ян Липкин Coved -19 халдвар авснаа зарлалаа | ДААМ.МН

25/03/2020 140 0

Дэлхийн тэргүүлэх халдвар судлалын мэргэжилтнүүдийн нэг, АНУ-ын Колумбийн их сургуулийн халдвар, дархлаа судлалын төвийн захирал Ян Липкин коронавирусийн халдвар авснаа зарлажээ.

Тэрээр 2011 онд бүтээсэн үхлийн аюултай нууцлаг вирусийн тухай “Contagion” уран сайхны кинонд анагаах ухааны зөвлөхөөр ажиллаж байсан юм.

Липкин өчигдөр орой Fox Business News хөтөлбөрт зайнаас холбогдож оролцохдоо өөрийгөө коронавирусийн халдвар авсныг мэдээлсэн байна.

“Хэрвээ энэ вирус надад халдаж байгаа бол өөр бусад хэнд ч халдах боломжтой гэсэн үг. Энэ бол та бүхэнд өгөх миний анхааруулга юм” гэж Липкин хэлжээ.

Тэрээр хаана, хэзээ халдвар авснаа хэлэхээс татгалзаад “Энэ тийм чухал биш. Өнөөдөр энэ вирус Америк даяар хаа сайгүй тархаад байна” гэж хариулсан байна.

“Хэзээ бид тахлыг хяналтдаа оруулж чадахыг би хэлж мэдэхгүй байна. Тархалтыг зогсоох хамгийн шилдэг арга бол тусгаарлалт, хөл хорио юм” гэж Липкин хэлжээ.

Ян Липкин өмнө нь дэлхий дахинд дэгдэж байсан “West Nile”, SARS вирусийг судлахад гол үүрэгтэй оролцсон эрдэмтэн юм. Тэр бас өнгөрсөн нэгдүгээр сард шинэ коронавирусийн тархалтыг зогсоох асуудлыг хэлэлцэхээр Хятадад очиж байжээ.

Холбоотой мэдээ

Ипотекийн зээлийн үндсэн болон хүүгийн төлбөрийг 3 сараар хойшлуулна

Төрөөс хэрэгжүүлж буй орон сууцны ипотекийн хөнгөлөлттэй хүүтэй зээл авсан иргэдийг хамруулах зор

03/04/2020

COVID-19 халдвартай холбоотойгоор хуурамч эм, оношлуур, вакциныг борлуулах, сурталчлах нь нэмэгджээ | ДААМ.МН

Эрүүл мэндийн яамны ээлжит хэвлэлийн хурлын үеэр COVID-19 халдварын ДЭМБ-аас өгсөн м

03/04/2020

Орхон аймаг ариутгал, халдваргүйтгэл хийх тусгай зориулалтын авто машинтай боллоо | ДААМ.МН

Хойд бүсийн төв болох Орхон аймгийн Онцгой байдлын газар коронавируст халдвараас урьдчилан сэргийлэ

03/04/2020