• 2020-04-03
  • 2779.01 USD

АНУ коронавирусийн халдвараар БНХАУ-ыг давлаа | ДААМ.МН

27/03/2020 50 0

Шинэ төрлийн коронавирусийн халдварын тохиолдол анх илэрсэн БНХАУ-д 81,782 хүн өвчилсөн бол АНУ-д өнгөрсөн шөнө шинээр 16,000 гаруй тохиолдол нэмэгдэж 85,000 боллоо. Ингэснээр халдвар авсан иргэдийн тоогоор АНУ дэлхийд тэргүүлж эхэллээ.

Дэлхийн 199 орон, тусгай бүсэд коронавирусийн 530,000 гаруй тохиолдол бүртгэгдэж, 24,000 иргэн нас барлаа. Зарим эх сурвалжуудад мэдээлснээр халдварын улмаас 100,000 хүн нас барна гэсэн урьдчилсан тооцоо гаргажээ.

АНУ-д халдварын улмаас 1,200 гаруй иргэн нас бараад байгаа бол эндэгдлээр тэргүүлж буй Итали улсад нас барагсад 8,200-д хүрчээ.

Италид халдвар авсан 80,500 иргэн бүртгэгдээд байгаа юм.

Коронавирусийн халдвараас үүдэж өнгөрсөн долоо хоногт Америкийн 3,3 сая иргэн ажилгүйчүүдийн эгнээнд шилжсэнтэй холбогдуулан Ерөнхийлөгч Дональд Трамп улс орон даяар нэн даруй хорио цээрээс гарч ажиллах хэрэгтэй хэмээн мэдэгджээ

. Түүнчлэн “өөрийнх нь буцаж ажилдаа орох хэрэгтэй гэсэн үгийг ойлгож, хүлээж авахгүй олон хүн байж магадгүй, гэхдээ та бүхэн олон нийтийн арга хэмжээнд оролцохгүй нэгнээсээ зайгаа барьж, гараа тогтмол угааж, бусадтай гар барьж тэврэлдэх зэргээр ойртохгүй бол аюулгүй” гэсэн байна.

Америкт халдвар авсан иргэдийн тоо Хятадаас давсан талаар түүнээс асуухад Хятадын Засгийн газрын өгсөн мэдээлэл үнэн бодит эсэх нь эргэлзээтэй гэж хариулжээ. Трамп пүрэв гарагийн орой Хятадын дарга Си Зиньпинтэй утсаар ярихаар зэхэж буйгаа хэлсэн байна.

Эх сурвалж: ВВС

Холбоотой мэдээ

Ипотекийн зээлийн үндсэн болон хүүгийн төлбөрийг 3 сараар хойшлуулна

Төрөөс хэрэгжүүлж буй орон сууцны ипотекийн хөнгөлөлттэй хүүтэй зээл авсан иргэдийг хамруулах зор

03/04/2020

COVID-19 халдвартай холбоотойгоор хуурамч эм, оношлуур, вакциныг борлуулах, сурталчлах нь нэмэгджээ | ДААМ.МН

Эрүүл мэндийн яамны ээлжит хэвлэлийн хурлын үеэр COVID-19 халдварын ДЭМБ-аас өгсөн м

03/04/2020

Орхон аймаг ариутгал, халдваргүйтгэл хийх тусгай зориулалтын авто машинтай боллоо | ДААМ.МН

Хойд бүсийн төв болох Орхон аймгийн Онцгой байдлын газар коронавируст халдвараас урьдчилан сэргийлэ

03/04/2020