ХААН Банк зээлийн гэрээний нөхцөлд өөрчлөлт оруулах хүсэлтэй иргэдийн хүсэлтийг цахимаар хүлээн авч байна | ДААМ.МН

30/03/2020 1811

Дэлхий нийтэд тархаад байгаа шинэ коронавирус “COVID-19”-ийн цар тахлаас үүдэлтэй улс оронд  үүсээд байгаа нөхцөл байдалтай холбогдуулан харилцагчдаа санхүүгийн дарамтад орохоос урьдчилан сэргийлэх, энэ хүнд үеийг даван туулахад нь дэмжлэг үзүүлэх зорилгоор ХААН Банк  зээлийн гэрээний нөхцөлд өөрчлөлт оруулах үйлчилгээний шимтгэл болон хугацаа хэтэрсэн тохиолдолд тооцдог нэмэгдүүлсэн хүү, торгуулиас  чөлөөлөөд байна. Энэхүү зохицуулалт нь  бүх төрлийн зээлийн хувьд хамааралтай бөгөөд 2020 оны 1-р сарын 31-нээс 2020 оны 7-р сарын 31-ний өдрийг дуустал хугацаанд хэрэгжинэ. 

Бизнесийн зээлтэй харилцагчдын хувьд орлого нь тасалдсан, буурсан зэргээс шалтгаалан зээлийн гэрээний нөхцөлд өөрчлөлт оруулах хүсэлтэй бол ЭНД дарж зааврын дагуу хүсэлтээ ирүүлэх боломжтой. Таны хүсэлтийг хүлээн авснаас хойш  ажлын 5 хоногийн дотор банкнаас эргэн холбогдож, шуурхай шийдвэрлэхээр ажиллаж байна. 

Бизнесийн зээлээс бусад төрлийн зээлтэй харилцагчдын хувьд цаг үеийн нөхцөл байдлаас шалтгаалан орлого буурч, зээлээ төлөхөд хүндрэл үүссэн бол зээлийн гэрээний нөхцөлд өөрчлөлт оруулах хүсэлтээ ЭНД дарж зааврын дагуу хүсэлтээ ирүүлнэ үү. Бид таны хүсэлтийг хүлээн авч, эргэн холбогдох болно. Цалингийн зээл, кредит карт, өрхийн зээл, автомашины зээл, лизингийн зээл, сургалтын төлбөрийн зээл, малчны зээлтэй харилцагчдын хувьд Монголбанкны зарим журамд өөрчлөлт орсны дараа зээлийн гэрээнд өөрчлөлт оруулах хүсэлтийг шийдвэрлэх боломж бүрдэх юм. 

ХААН Банк хуулиар хүлээсэн үүргээ биелүүлж, харилцагчдынхаа мэдээллийн нууцлал, аюулгүй байдлыг хамгаалах үүднээс зөвхөн зээлийн гэрээ байгуулсан тухайн харилцагчтай харилцах тул гуравдагч этгээдээр дамжуулахгүйгээр бизнесийн болон хувийн нууцлалаа сайтар ханган болзошгүй эрсдэлээс сэргийлэхийг эрхэм харилцагч танд зөвлөж байна.  

Коронавирусийн халдвараас сэргийлж, ХААН Банкны нийслэл болон орон нутгийн бүх салбар нэгжүүд 2020 оны 4-р сарын 30-ны өдрийг дуустал 09:00-16:00 цагт харилцагчдад үйлчилж байна. 

 Хэрвээ танд асууж тодруулах зүйл гарвал Харилцагчийн мэдээллийн төвийн 1800-1917 лавлах утас, Viber (94031917), WeChat (Khan Bank), Facebook (Khan Bank), Twitter (Khan Bank) зэрэг цахим хаягт хандана уу.

Холбоотой мэдээ

Мьянмарт төрийн эсэргүүцлийн хөдөлгөөнд оролцсон эмэгтэй хоригдлуудыг хүчирхийлэх явдал газар авчээ | DAAM.MN

Мьянмарт төрийн эргэлт болж, эрх мэдэл цэргийнхний гарт шилжсэний дараа ард түмний эсэргүүцлийн хөдө

09/12/2021

Ажлын хэсэг Дорноговь аймагт ажиллаж байна | DAAM.MN

Монгол Улсын Шадар сайдын 70, 104 дүгээр тушаалын хэрэгжилтийн хангах хүрээнд ОБЕГ-ын дэд дарга, УОК

09/12/2021

БНХАУ “COVID-19”-ийн хоёр эмэнд яаралтай журмаар зөвшөөрөл олгожээ | DAAM.MN

 БНХАУ-ын Эмийн бүтээгдэхүүний хяналтын үндэсний газар “COVID-19”-ийн “BRII-196”, “BRII-198” нэртэй

09/12/2021