Тархины хавдар авах хагалгааг Нэгдүгээр эмнэлгийнхэн амжилттай хийлээ |ДААМ.МН

16/04/2020 619

Улсын нэгдүгээр төв эмнэлэгт тархины том хэмжээтэй хавдар авах мэс засал болон Тархины харвалтын үеийн гемикранио-эктоми хагалгаа анх удаа хийлээ. Хагалгааны багт Мэдрэлийн эмнэлзүйн төвийн мэдрэлийн мэс заслын эмч: С.Алтан-Очир(ахлагчтай), Д.Энхболд(зөвлөх), М.Золбоо, Анестезиологи эмч Ц.Тунгалаг, Мэс заслын сувилагч: Б.Отгончимэг, Д.Бум-Эрдэнэ, Анестезиологи сувилагч: Л.Цэцэглэн, Резидент эмч: Г.Баттулга, Үйлчлэгч: Л.Отгонсүрэн нар оролцжээ.

Тус эмнэлгийн мэргэжлийн баг хамт олон 2020 оны гуравдугаар сарын 4-ний өдөр Мэдрэлийн мэс заслын гемикранио-эктоми хагалгааг, мөн 2020 оны дөрөвдүгээр сарын сарын 06-ны өдөр тархины том хавдрыг нээлттэй аргаар авах мэс заслыг амжилттай хийлээ.

Дээрх хагалгаанд орсон 39-н настай эрэгтэй гэнэт ухаан алдаж, сумын эмнэлэгт 2 хоног хэвтэж эмчлүүлээд сайжрал авалгүй хүндэрч, комд орсон тул амь насны заалтаар нэн яаралтай тархины баруун гемикранио-эктоми хагалгаанд орсон. Маргаашнаас нь биеийн байдал сайжирч, ухаан орсон. Мэс засал эмчилгээнээс хойш 21 хоногийн дараагаас таягтай босч явдаг болсон байна.

Мөн үйлчлүүлэгч 32-н настай эмэгтэй Цээж, баруун гар хөл үе үе мэдээ алдах болсон тул 2020 оны гуравдугаар сарын 26-д эмнэлэгт хандсан. Энэ нь зөвхөн мэс заслаар эмчлэгддэг өвчин бөгөөд хугацаа алдах нь тархины үйл ажиллагааны эргэшгүй өөрчлөлтөнд хүргэх эрсдэлтэй учир УНТЭ-т нээлттэй мэс засал хийж тархины зүүн зулайн дэлбэнд 7*5 см хэмжээтэй хавдрыг бүрэн авч хавдарт идэгдсэн тархины хальсыг нөхсөн ба мэс заслын хүндрэлгүй, үйлчлүүлэгчийн биеийн байдал сайжирч эхэлжээ.

УНТЭ-т эдгээр хагалгаануудыг хийснээр мэдрэлийн мэс засал шаардлагатай үйлчлүүлэгчдэд цаг алдалгүй яаралтайгаар эмнэлгийн тусламж үйлчилгээг үзүүлэх, арга хэмжээ авах боломжтой болж байгаа аж.

Холбоотой мэдээ

Нэгэн зууны түүхийг өгүүлсэн гэрэл зургийн үзэсгэлэн нээлтээ хийлээ | DAAM.MN

Монгол Улс, ОХУ-ын хооронд дипломат харилцаа тогтоосны 100 жилийн ой энэ онд тохиож байна. 1921 оны

26/10/2021

Дөрвөн аймагт хээрийн түймэр гарчээ | DAAM.MN

Өчигдөр буюу аравдугаар сарын 25-нд дөрвөн аймгийн дөрвөн суманд хээрийн түймэр гарчээ.  Тодруулб

26/10/2021

УГТЭ хүүхдийн бүх төрлийн зүрх, судасны мэс заслыг ЭМД-аар үнэ төлбөргүйгээр хийж байна | DAAM.MN

Улсын Гуравдугаар Төв эмнэлгийн Хүүхдийн зүрх судасны мэс заслын баг нь хүүхдийн зүрх судасны мэс за

26/10/2021