ЭРҮҮЛ МЭНДИЙН САЛБАР КОРОНАВИРУСИЙН ЭСРЭГ ЮУ ХИЙЖ ЧАДАХ БЭ?

23/01/2020 349

Өнөөдрийн байдлаар /2020.01.23/ Хятад даяар тархаад буй 2019-nCoV коронавирусийн халдвар авсан хүний тоо 570-ыг давж, амь насаа алдсан хүний тоо 17-д хүрсэн талаар  “International Business Times” сонин мэдээллээ.  Үүнээс Тайланд улсад хоёр, Япон улсад нэг, БНСУ-д нэг, АНУ-д нэг,  ОХУ-д хоёр тохиолдол тус тус бүртгэгдээд байна.

Өнөө өглөө 10:00 цагаас эхлэн БНХАУ-ын Ухань хот хөл хорио тогтоож, гадагшаа чиглэлтэй нислэг болон автобусуудыг бүрэн зогсоов. Харин АНУ БНХАУ-ын Ухань хотоос ирэх бүх нислэгийг таван хотоор дайруулж, чиглэлийг нь өөрчлөхөөр төлөвлөж буй.

Энэ мэтээр улс орнууд вирусийн тархалтыг зогсоохоор өөр өөрсдийн гэсэн бодлого баримтлан шуурхай ажиллаж байна.

Харин манай улсын хувьд, Эрүүл мэндийн яамнаас өдөр бүр мэдээлэл хийж, иргэдэд урьдчилан сэргийлэх зөвлөмжүүд хүргүүлсээр байгаа. Мөн Монгол улсад албан ёсоор коронавирусийн халдварын тохиолдол бүртгэгдээгүй гэдгийг хариуцлагатайгаар мэдэгдэж буй. 

Гадаад харилцааны яам ч хилийн чанадад амьдарч буй Монголчуудыг бүртгэх, Ухань хот буюу халдварын голомтод байгаа 19 оюутанд анхаарал тавьж ажиллаж байгаа гэдгээ ч мэдэгдсэн юм.

Гэвч манайхыг л тойрч тархаад буй коронавирус Монгол Улсад орж ирэхгүй гэх баталгаа байхгүй. Өнгөрсөн хугацаанд Чингис хаан нисэх буудал дээр хэд хэдэн сэжигтэй тохиолдлуудыг бүртгэж, шинжилгээ хийхэд коронавирусийн халдвар биш болох нь тогтоогдсон.

Гэхдээ зөвлөмж, мэдээлэл хүргэнэ гэдэг хангалтгүй. Монгол улсад энэ вирус орж ирлээ гэхэд манай улсын эрүүл мэндийн салбар бэлэн байдалд байгаа юу гэдэг сонин. Манай улс энэ вирусийн эсрэг ямар бодлого баримталж, иргэдээ хамгаалахын тулд ямар шийдвэрт хүрэх вэ гэдгийг одоо бидэнд зарлах үлдээд байна. Учир нь хөрш хоёр улсад тохиолдлууд бүртгэгдсэн төдийгүй, манай улс дундаж эрсдэлтэй бүсэд тооцогдож байгаа ч БНХАУ, Монгол Улсын хилээр өдөртөө 250 гаруй хүн орж гардаг гэхээр албан бусаар хэлэхэд өндөр эрсдэлтэй бүсэд бид амьдарч байна. Тиймээс коронавирус Монгол улсын эрүүл мэндийн салбарын бэлэн байдлыг шалгах тест болж байгаа юм.

Иймд иргэд ч албаны мэдээнд найдалгүй өдөр тутамдаа коронавирусийн халдвараас сэргийлэх зөвлөмжүүдийг дагаж мөрдөх шаардлагатай байна.

Холбоотой мэдээ

Цагдаа нар Д. Монголхүүгийн биед ноцтой гэмтэл учруулжээ | DAAM.MN

"Yes or No ТТБ"-ынхан 11 дэхь өдрөө Сүхбаатарын талбайд суулт хийж байх үед нь буюу өчигдөр орой цаг

01/10/2021

Ц.Төрхүү: Цэвэрлэхээс гарч буй усыг цэвэршүүлж  ундны уснаас бусад ахуйн хэрэглээнд ашиглах боломж нээгдэж байна | DAAM.MN

Ус сувгийн удирдах газрын дарга хэвлэлд өгсөн ярилцлгадаа цэвэрлэхээс гарч буй усыг цэвэршүүлж  ундн

28/09/2021

УСУГ-ын дарга Ц.Төрхүү: Гөвүүлэхээр үйлдэл хийгээгүй юм чинь яаж гөвүүлэх юм бэ | DAAM.MN

Ус сувгийн удирдах газрын дарга Ц.Төрхүүгийн ярилцлагыг хүргэж байна. Манай ажлыг шалгахад амарха

28/09/2021